Skip to main content

Պատճառներ - Կարցինոիդ

Պարզ չէ, թե ինչն է առաջացնում կարցինոիդ ուռուցքներ:

Ընդհանուր առմամբ, քաղցկեղն առաջանում է այն ժամանակ, երբ բջջի ԴՆԹ-ում զարգանում են մուտացիաներ: Մուտացիաները թույլ են տալիս բջիջին շարունակել աճել և բաժանվել, երբ առողջ բջիջները սովորաբար մահանում են:

Կուտակվող բջիջները ձեւավորում են ուռուցք։ Քաղցկեղային բջիջները կարող են ներխուժել մոտակա առողջ հյուսվածք և տարածվել օրգանիզմի այլ մասեր (կոչվում է մետաստազավորում):

Բժիշկները չգիտեն, թե ինչն է առաջացնում այն մուտացիաները, որոնք կարող են հանգեցնել կարցինոիդ ուռուցքների: Սակայն հայտնի է, որ կարցինոիդ ուռուցքները զարգանում են նյարդաներզատական (նեյրոէնդոկրին) բջիջներում:

Նեյրոէնդոկրին բջիջներ հայտնաբերվում են մարմնի տարբեր օրգաններում: Դրանք կատարում են որոշ նյարդային բջիջների գործառույթներ և որոշ հորմոններ արտադրող էնդոկրին բջիջների գործառույթներ: Նեյրոէնդոկրին բջիջների կողմից արտադրվող հորմոններից են հիստամինը, ինսուլինը և սերոտոնինը:

Ռիսկի գործոններ

Գործոնները, որոնք մեծացնում են կարցինոիդ ուռուցքների առաջացման ռիսկը, ներառում են հետևյալը:

  • Մեծ տարիք. մեծ տարիքով չափահասների մոտ կարցինոիդ ուռուցքի ախտորոշումն ավելի հավանական է, քան ավելի երիտասարդների կամ երեխաների մոտ:
  • Սեռ. կանայք ավելի հավանական է, քան տղամարդիկ, որ ունենան կարցինոիդ ուռուցքներ:
  • Ընտանեկան պատմություն (անամնեզ). բազմակի էնդոկրին նեոպլազիայի 1-ին տիպի (MEN 1) ընտանեկան պատմությունը մեծացնում է կարցինոիդ ուռուցքների առաջացման ռիսկը: MEN 1 ունեցող մարդկանց մոտ ներզատական համակարգի գեղձերում զարգանում են բազմաթիվ ուռուցքներ:

Հոդվածը հրապարակվել է՝ 20-07-2023
Վերջին վերանայում՝ 07-04-2024