Ախտանիշներ - Կարցինոիդներ

Որոշ կարցինոիդ ուռուցքներ չեն առաջացնում որևէ գանգատ կամ ախտանիշ:

Երբ հայտնվում են, գանգատներն ու ախտանիշները սովորաբար անորոշ են և կախված են ուռուցքի տեղակայումից:

Թոքերի կարցինոիդ ուռուցքներ

Թոքերի կարցինոիդ ուռուցքների գանգատներն ու ախտանիշները ներառում են՝

• կրծքավանդակի ցավ
• խզզոցներ
• շնչարգելություն և հևոց
• փորլուծություն
• դեմքի և պարանոցի կարմրություն կամ ջերմության զգացում (մաշկի շառագունում)
• մաշկի վրա վարդագույն կամ մանուշակագույն հետքեր:

Մարսողական խողովակի կարցինոիդ ուռուցքներ

Մարսողական խողովակի կարցինոիդ ուռուցքների գանգատներն ու ախտանիշները ներառում են՝

• որովայնի ցավ
• փորլուծություն
• սրտխառնոց, փսխում կամ կղազատման անհնարինություն՝ աղիքների արգելափակման պատճառով (աղիների անանցանելիություն)
• ուղիղաղիքային արյունահոսություն
• ուղիղաղիքային ցավեր
• դեմքի և պարանոցի կարմրություն կամ ջերմության զգացում (մաշկի շառագունում):

Ե՞րբ դիմել բժշկին

Եթե զգում եք որևէ գանգատ և ախտանիշ, որը ձեզ անհանգստացնում է և կրում է մշտական բնույթ, այցելեք ձեր բժշկին: