Բարդություններ - Կրծքավանդակային տրավմա

Կրծքավանդակի վնասվածքի, այդ թվում՝ կողի կոտրվածքի ամենատարածված բարդությունը թոքի վարակն է (թոքաբորբ):

Կրծքավանդակի վնասվածքի ավելի հազվադեպ հանդիպող, սակայն ծանր բարդություններից են՝

• հեմոթորաքս, երբ թոքի շրջակայքում կուտակվում է արյուն
• պնևմոթորաքս, երբ թոքը շրջապատող տարածության մեջ կուտակվում է օդ
• ենթամաշկային էմֆիզեմա, երբ մաշկի տակ կուտակվում է օդ, որը բերում է կրծքավանդակի պատի այտուցվածության
• որովայնի վնասվածքներ, երբ կրծքավանդակի վնասվածքի հետևանքով վնասվում են լյարդը կամ փայծաղը՝ առաջացնելով ստամոքսի շրջանի կամ թիկունքի ցավեր:

Առանց հետաձգելու տեղեկացրեք ձեր բժշկին, եթե՝

• ձեր գանգատներն ու ախտանիշները վատթարանում են
• ի հայտ են գալիս նոր գանգատներ և ախտանիշներ
• խիստ անհանգստացած եք: