Ոսկրամկանային պատերով կրծքավանդակի խոռոչում են տեղակայված այնպիսի կենսականորեն կարևոր օրգաններ, ինչպիսիք են սիրտը, թոքերը, աորտան և այլ խոշոր անոթներ:
Ուստի կրծքավանդակային տրավմաներով պատճառված կյանքին սպառնացող և անհետաձգելի բուժօգնություն պահանջող խնդիրներն առաջին հերթին կապված են սրտանոթային և շնչառական համակարգերի գործունեության սուր խանգարման հետ:
Կրծքավանդակի վնասվածքները կրծքավանդակի պատի (թոքերը պաշտպանող ոսկրեր, այդ թվում՝ կողեր և կրծոսկր (ստեռնում), մաշկ, ճարպաբջջանք և մկաններ) կամ կրծքավանդակի խոռոչի ներսում տեղակայված օրգաններից մեկնումեկի վնասվածքներն են:
Կրծքավանդակի վնասվածքները ներառում են՝
- կրծքավանդակի շրջանի կրտված վերքեր և արյունազեղումներ
- ոսկրերի կոտրվածքներ (օրինակ՝ կողի կոտրվածք)
- թոքերի կամ սրտի վնասվածքներ:
Կրծքավանդակի վնասվածքները կարող են լինել չնչին կամ թեթև (օրինակ՝ քերծվածք կամ կապտուկ) կամ կյանքին սպառնացող և անհետաձգելի բուժօգնություն պահանջող ծանր (օրինակ՝ թոքի հրազենային վնասվածք):
Կրծքավանդակի տրավմաների մեջ ամենահաճախ հանդիպող վնասվածքը մեկ կամ մի քանի կողերի կոտրվածքներն են: Կողի կոտրվածքը հազվադեպ է առաջացնում լուրջ առողջական խնդիրներ: Սակայն, կողի կոտրվածք առաջացնող ուժը երբեմն կարող է բերել այլ խնդիրների, օրինակ՝ թոքերի պատռում կամ կոլապս, ուստի նույնիսկ անվտանգ թվացող կողերի կոտրվածքի դեպքում անհրաժեշտ է բժշկական հսկողություն:
Հոդվածը հրապարակվել է՝ 24-02-2021
Վերջին վերանայում՝ 29-04-2024