Կրծքավանդակի վնասվածքի բուժումը կախված է տրավմայի պատճառից և ծանրության աստիճանից:
Ըստ անհրաժեշտության բուժանձնակազմը կօժանդակի համարժեք շնչառության ապահովմանը: Նման դեպքերում կարող են նշանակվել թթվածին և ներերակային ինֆուզիոն հեղուկներ, իսկ մեծ ծավալով արյան կորստի ժամանակ՝ նաև արյան արյան փոխներարկում: Ծանր վնասվածքները սովորաբար պահանջում են հիվանդանոցային բուժում:
Կոտրված կողը կարող է մի քանի շաբաթվա ընթացքում ինքնուրույն լավանալ: Այս ընթացքում ձեր բժիշկը կարող է խորհուրդ տալ, որ կանոնավոր կերպով խորը շնչեք, որ թոքերի ալվեոլները մնան բաց և կանխարգելվի թոքի վարակը՝ թոքաբորբը (պնևմոնիա):
Ուժեղ ցավերի դեպքում կարող եք ընդունել ձեր բժշկի առաջարկած ցավազրկողները: Ցավազրկումը կարևոր է, որ կարողանաք հազալ (մաքրել թոքերը) և խորը շնչել:
Թեթև վնասվածքների դեպքում փորձեք պահպանել ձեր շարժունակությունը և զբաղվել առօրյա գործերով: Սակայն խուսափեք ծանրություն բարձրացնելուց և ֆիզիկական լարվածությունից՝ քանի դեռ ցավերը և մյուս ախտանիշները լիարժեք չեն վերացել:
Հոդվածը հրապարակվել է՝ 26-05-2021
Վերջին վերանայում՝ 23-04-2024