Ախտանիշներ - Քրոնիկ գլխացավեր

Ըստ սահմանման, քրոնիկ ամենօրյա գլխացավերն առաջանում են ամսական 15 օր կամ ավելի, երեք ամսից ավելի երկար ընթացքում:

Իսկական (առաջնային) քրոնիկ ամենօրյա գլխացավերը չեն առաջանում այլ հիվանդության պատճառով:

Կան կարճատև և երկարատև քրոնիկ ամենօրյա գլխացավեր: Երկարատև գլխացավերը տևում են ավելի քան չորս ժամ: Դրանք ներառում են՝

• քրոնիկ միգրեն
• քրոնիկ լարվածության գլխացավ
• նոր առաջացող ամենօրյա կայուն գլխացավ
• երկարատև հեմիկրանիա (hemicrania continua):

Քրոնիկ միգրեն

Այս տեսակը սովորաբար հանդիպում է դրվագային միգրենի պատմություն ունեցող մարդկանց մոտ: Քրոնիկ միգրեններն ավելի հաճախ՝

• ազդում են ձեր գլխի մի կողմի կամ երկու կողմերի վրա
• ուղեկցվում են թրթռոցի կամ պուլսացիայի զգացողությամբ
• պատճառում են չափավորից մինչև ուժեղ ցավ:

Եվ դրանք առաջացնում են հետևյալներից առնվազն մեկը՝

• սրտխառնոց, փսխում կամ երկուսն էլ
• լույսի և ձայնի նկատմամբ զգայունություն:

Քրոնիկ լարվածության գլխացավ

Այս գլխացավերն ավելի հաճախ՝

• ազդում են ձեր գլխի մի երկու կողմերի վրա
• պատճառում են թեթևից մինչև չափավոր ցավ
• առաջացնում են ցավ, որը զգացվում է որպես սեղմում կամ ճնշում, բայց ոչ՝ պուլսացիա:

Նոր առաջացող ամենօրյա կայուն գլխացավ

Այս գլխացավերն առաջանում են հանկարծակի, սովորաբար այն մարդկանց մոտ, ովքեր գլխացավի պատմություն չունեն: Դրանք մշտական են դառնում ձեր առաջին գլխացավից երեք օրվա ընթացքում: Դրանք՝

• հաճախ ազդում է ձեր գլխի երկու կողմերի վրա
• առաջացնում են ցավ, որը զգացվում է որպես սեղմում կամ ճնշում, բայց ոչ՝ պուլսացիա
• պատճառում են թեթևից մինչև չափավոր ցավ
• կարող են ընթանալ քրոնիկ միգրենին կամ քրոնիկ լարվածության գլխացավին բնորոշ նշաններով:

Երկարատև հեմիկրանիա (հեմիկրանիա կոնտինուա)

Այս գլխացավերը՝

• ազդում են ձեր գլխի միայն մի կողմերի վրա
• ամենօրյա և կայուն են՝ առանց անցավ շրջանների
• պատճառում են չափավոր ցավ՝ ուժեղ ցավի նոպաներով
• արձագանքում են Ինդոմետացինին (Ինդոցին)
• կարող են ծանրանալ՝ միգրենանման ախտանիշների զարգացմամբ:

Բացի այդ, երկարատև հեմիկրանիայի գլխացավերը կապված են հետևյալներից առնվազն մեկի հետ՝

• ցավացող կողմի աչքի արցունքակալում կամ կարմրություն
• քթի փակվածություն կամ քթահոսություն
• կոպի կախվածություն կամ բբի նեղացում
• անհանգստության զգացողություն:

Ե՞րբ հանդիպել բժշկին

Եզակի գլխացավերը շատ տարածված են և սովորաբար բուժման կարիք չունեն: Սակայն, տեղեկացրեք ձեր բժշկին, եթե՝

• սովորաբար շաբաթական երկու կամ ավելի գլխացավ եք ունենում
• դուք օրերի մասը ձեր գլխացավերի համար ցավազրկող եք ընդունում
• գլխացավը թեթևացնելու համար ձեզ հարկավոր է դեղատոմս չպահանջող ցավազրկողների ավելի մեծ դեղաչափեր, քան խորհուրդ է տրվում
• ձեր գլխացավի բնույթը փոխվում է կամ ձեր գլխացավերը վատթարանում են
• ձեր գլխացավերը ձեզ դարձնում են անգործունակ:

Շտապ դիմեք բժշկական օգնության կամ զանգեք 1-03, եթե ձեր գլխացավը՝

• հանկարծակի է և սուր
• ուղեկցվում է ջերմության բարձրացմամբ, ծոծրակային մկանների կարկամությամբ, շփոթվածությամբ, ցնցումներով, երկտեսությամբ (դիպլոպիա), թուլությամբ, թմրածությամբ կամ խոսքի դժվարացմամբ
• հետևում է գլխի վնասվածքին
• սաստկանում է՝ չնայած հանգստին և ցավազրկող դեղամիջոցներին: