Գրադարան

Քրոնիկ ամենօրյա գլխացավեր. պատճառներ

Քրոնիկ ամենօրյա գլխացավեր. պատճառներ

Time Read 1 րոպե

Բազմաթիվ քրոնիկ ամենօրյա գլխացավերի պատճառները լավ հետազոտված չեն:

Իսկական (առաջնային) քրոնիկ ամենօրյա գլխացավերը չունեն հիմքում ընկած հայտնաբերելի պատճառ:

Հիվանդությունները, որոնք կարող են առաջացնել ոչ առաջնային (երկրորդային) քրոնիկ ամենօրյա գլխացավեր, ներառում են՝

  • գլխուղեղի ներսում և շրջակայքում բորբոքում կամ արյունատար անոթների հետ կապված այլ խնդիրներ, ներառյալ ինսուլտը
  • վարակներ, ինչպիսին է մենինգիտը
  • չափազանց բարձր կամ շատ ցածր ներգանգային ճնշում
  • գլխուղեղի ուռուցք
  • գլխուղեղի տրավմատիկ վնասվածք (գանգուղեղային տրավմա):

Դեղերի գերօգտագործման գլխացավ

Գլխացավի այս տեսակը սովորաբար զարգանում է այն մարդկանց մոտ, ովքեր ունեն դրվագային գլխացավի խանգարում, սովորաբար՝ միգրեն կամ լարվածության գլխացավ, և ընդունում են չափազանց շատ ցավազրկողներ: Եթե դուք շաբաթական ավելի քան երկու օր (կամ ամիսը ավելի քան ինը օր) ցավազրկող դեղամիջոցներ եք ընդունում, նույնիսկ դեղատոմս չպահանջող, ապա հետադարձ (ռիկոշետային) գլխացավերի առաջացման վտանգի տակ եք:

Իմացե՛ք ավելին դեղերի գերօգտագործման գլխացավի մասին:

Ռիսկի գործոններ

Հաճախակի գլխացավերի զարգացման հետ կապված գործոնները ներառում են՝

  • իգական սեռ
  • անհանգստություն կամ տագնապ
  • դեպրեսիա
  • քնի խանգարումներ
  • գիրություն
  • խռմփոց
  • կոֆեինի չափից ավելի օգտագործում
  • գլխացավի դեղերի չափից ավելի օգտագործում
  • այլ քրոնիկ ցավային վիճակներ:

Հոդվածը տեղադրվել է՝ 19-03-2021 վերանայվել է՝ 08-03-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով