Պատճառներ - Մրսածություն

Վիրուսների բազմաթիվ տեսակներ կարող են առաջացնել մրսածություն, սակայն ռինովիրուսներն ամենատարածված պատճառն են:

Մրսածության վիրուսը ներթափանցում է ձեր օրգանիզմ բերանի, աչքերի կամ քթի միջոցով: Վիրուսը կարող է տարածվել օդի մանրագույն կաթիլների միջոցով, երբ հիվանդ մարդը հազում է, փռշտում կամ խոսում (կոչվում է օդակաթիլային ուղի):

Այն նաև տարածվում է մրսածություն ունեցող մարդու հետ ձեռք-ձեռքի շփվելու կամ վարակված առարկաների համատեղ օգտագործման միջոցով, ինչպիսիք են սպասքը, սրբիչները, խաղալիքները կամ հեռախոսները: Եթե նման շփումից հետո դիպչեք ձեր աչքերին, քթին կամ բերանին, հավանական է, որ դուք ևս վիրուսով վարակվեք:

Ռիսկի գործոններ

Այս գործոնները կարող են բարձրացնել մրսածության հավանականությունը:

• Տարիք. նորածիններն ու մանկահասակ երեխաները մրսածության ամենամեծ ռիսկի տակ են, հատկապես, եթե ժամանակ են անցկացնում խնամքի հաստատություններում (մսուր-մանկապարտեզներ, նախակրթարաններ և այլն):
• Թուլացած իմունային համակարգ. քրոնիկ հիվանդություններ կամ իմունային համակարգը թուլացնող այլ առողջական խնդիրներ ունենալը բարձրացնում է ձեր ռիսկը:
• Տարվա եղանակ (սեզոն). և՛ երեխաները, և՛ չափահասները մրսածության նկատմամբ ավելի «խոցելի» են դառնում աշնանը և ձմռանը, սակայն դուք կարող եք «մրսել» ցանկացած ժամանակ:
• Ծխելը. մրսածությունը կամ հիվանդության ավելի ծանր ընթացքն ավելի հավանական են, եթե ծխում եք կամ ենթարկվում եք երկրորդային ծխի ազդեցությանը:
• Ազդեցության ենթարկում. եթե մարդկանց մեծ խմբի հետ գտնվում եք նույն փակ տարածքում, օրինակ՝ դպրոցում կամ ինքնաթիռում, ավելի հավանական է, որ ենթարկեք մրսածություն պատճառող վիրուսների ազդեցությանը: