Գրադարան
Մրսածություն. ախտանիշներ
2 րոպե
Սովորական մրսածության ախտանիշները սովորաբար ի հայտ են գալիս մրսածություն առաջացնող վիրուսի հետ շփումից 1-3 օր հետո:
Տարբեր մարդկանց մոտ մրսածությունը կարող է դրսևորվել տարբեր գանգատներով և ախտանիշներով և կարող է ներառել՝
- «հոսող» կամ փակված քիթ (հարբուխ)
- կոկորդի ցավ
- հազ
- քթի լցվածություն
- թեթև հոդամկանացավեր կամ թույլ գլխացավ
- փռշտոց
- թեթև աստիճանի ջերմություն
- վատ ինքնազգացողություն:
Քթից արտադրությունը կարող է սկզբում լինել թափանցիկ (շճային), իսկ հետո, կախված մրսածության ընթացքից, դառնալ ավելի ավելի խիստ և դեղնավուն կամ կանաչավուն: Սա սովորաբար չի նշանակում, որ ունեք բակտերիալ վարակ:
Ե՞րբ դիմել բժշկին
Եթե առողջ չափահաս եք, ընդհանուր առմամբ, մրսածության համար բժշկական ուշադրության կարիք չկա: Այնուամենայնիվ, դիմեք բժշկի, եթե ունեք՝
- ախտանիշներ, որոնք վատթարանում են կամ չեն բարելավվում
- 38,5° C-ից ավելի բարձր ջերմություն, որը տևում է ավելի քան 3 օր
- բարձր ջերմությունը կրկնվում է լավացման շրջանից հետո
- շնչարգելություն և հևոց
- շնչառական խզզոցներ
- ուժեղ կոկորդի ցավ, գլխացավ կամ հարքթային ծոցերի շրջանի (սինուսային) ցավեր:
Եթե մրսածություն ունի ձեր երեխան, ընդհանուր առմամբ, նրա բժշկին դիմելու կարիք չկա: Այնուամենայնիվ, անմիջապես դիմեք երեխայի բժշկին, եթե նա ունի հետևյալ ախտանիշներից որևէ մեկը`
- 38° C՝ մինչև 12 շաբաթական նորածինների մոտ
- ցանկացած տարիքի երեխայի մոտ կտրուկ բարձրացող ջերմության կամ ջերմություն, որը տևում է ավելի քան 2 օր
- ծանր ախտանիշներ, ինչպիսիք են ուժեղ գլխացավը, կոկորդի ցավը կամ հազը
- դժվարացած կամ խզզոցներով շնչառություն
- ականջի ցավ
- խիստ անհանգստություն
- անսովոր քնկոտություն
- ախորժակի բացակայություն:
Հոդվածը տեղադրվել է՝ 26-05-2021 վերանայվել է՝ 04-03-2024
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը: