Skip to main content

Ախտորոշում - Ծորանային կարցինոմա in situ

Ծորանային կարցինոմա in situ-ն (DCIS) առավել հաճախ հայտնաբերվում է մամոգրաֆիայի ժամանակ, որն օգտագործվում է կրծքագեղձի քաղցկեղի սքրինինգի համար:

Եթե ձեր մամոգրաֆիան ցույց է տալիս կասկածելի տարածքներ, ինչպիսիք են վառ սպիտակ բծերը (միկրոկալցիֆիկացիաները), որոնք կլաստերներով են և ունեն անկանոն ձևեր կամ չափեր, ձեր ռադիոլոգը (ռենտգենոլոգ), հավանաբար, խորհուրդ կտա կրծքագեղձի լրացուցիչ պատկերային հետազոտություն:

Բժիշկը ձեզ կարող է առաջարկել ախտորոշիչ մամոգրաֆիա, որը թույալտրում ավելի մեծ խոշորացում և պատկերում ավելի շատ անկյուններից: Այս հետազոտությունը գնահատում է երկու կրծքագեղձերը և ավելի մանրակրկիտ պատկերում միկրոկալցիֆիկացիաները, որ հնարավոր լինի որոշել, թե արդյոք դրանք անհանգստության պատճառ են հանդիսանում:

Եթե անհանգստացնող տարածքը լրացուցիչ գնահատման կարիք ունի, հաջորդ քայլը կարող է լինել գերձայնային հետազոտությունը և կրծքագեղձի բիոպսիան:

Կրծքագեղձային հյուսվածքի նմուշների հեռացում՝ թեստի համար

Հաստ ասեղային բիոպսիայի ժամանակ ռադիոլոգը կամ վիրաբույժը օգտագործում է սնամեջ ասեղ՝ կասկածելի տարածքից հյուսվածքների նմուշները հեռացնելու համար: Սա կոչվում է բիոպսիա և երբեմն իրականացվում է գերձայնային (գերձայնային ուղղորդված կրծքագեղձի բիոպսիա) կամ ռենտգենով (ստերեոտաքսիկ կրծքագեղձի բիոպսիա) ուղղորդմամբ: Հյուսվածքների նմուշներն ուղարկվում են լաբորատորիա:

Բժիշկ-ախտաբանը կուսումնասիրի հեռացված հյուսվածքային նմուշները՝ պարզելու, թե արդյոք առկա են ոչ նորմալ բջիջներ, և եթե այո, ապա ինչքան ագրեսիվ են դրանք:

Հոդվածը հրապարակվել է՝ 26-06-2023
Վերջին վերանայում՝ 06-04-2024