Դիսեմինացված ներանոթային մակարդման (ԴՆՄ) համախտանիշը զարգանում է մեկ այլ հիվանդության կամ առողջական խնդրի ֆոնի վրա:
ԴՆՄ համախտանիշի առաջացման ռիսկը կարող է բարձրանալ հետևյալ խնդիրների ժամանակ՝
- սեպսիս, որի դեպքերի 35%-ում զարգանում է ԴՆՄ
- որևէ հիվանդության, վարակի (հատկապես՝ բակտերիալ) կամ վնասվածքի պատճառով բորբոքային գործընթացներ
- ծանր այրվածքին, ցրտահարությանը կամ մեծ վիրահատությանն ուղեկցող հյուսվածքների տարածուն վնասում
- ծանր տրավմաներ, օրինակ՝ գանգուղեղային վնասվածքներ կամ խոշոր ոսկրերի կոտրվածքներ
- արյունատար անոթների խնդիրներ, օրինակ՝ անևրիզմա (հատկապես՝ աորտայի անևրիզմա) կամ հսկա հեմանգիոմաներ (Կասաբախ-Մերրիտի համախտանիշ)
- ջերմային հարված
- սուր իմունային կամ տոքսիկ ռեակցիա (անաֆիլաքսիա, օձի խայթոց, ABO անհամատեղելի արյան փոխներարկում)
- ապօրինի թմրամիջոցների օգտագործում, ինչպիսիք են կոկաինը կամ էքստազին
- ծննդաբերության (մանկաբարձական) բարդություններ, ինչպիսիք են ընկերքի շերտազատումը, պրեէկլամպսիան և էկլամպսիան, պտղաջրերով էմբոլիան, պտղի ներարգանդային մահը, սեպտիկ վիժումը կամ հետծննդաբերական արյունահոսությունը
- քաղցկեղային հիվանդություններ, ինչպիսին է սուր միելոբլաստային լեյկեմիան:
Հոդվածը հրապարակվել է՝ 17-04-2020
Վերջին վերանայում՝ 23-04-2024