Գրադարան
Դիսեմինացված ներանոթային մակարդում. ախտանիշներ
1 րոպե
Դիսեմինացված (տարածուն) ներանոթային մակարդման (ԴՆՄ) համախտանիշը կարող է սկսվել դանդաղորեն կամ սուր և ընթանալ տարբեր կլինիկական նշաններով:
Օրինակ, ԴՆՄ-ի հանկարծակի և սուր սկիզբ կարող է լինել էնդոտոքսիկ շոկի, ամնիոտիկ հեղուկով էմբոլիայի դեպքում, իսկ դանդաղ, քրոնիկ և քողարկված զարգացումը՝ քաղցկեղների դեպքում:
Երկար ժամանակի ընթացքում զարգացող ԴՆՄ համախտանիշը կարող է ընթանալ առանց որևէ գանգատի կամ նշանի: Նման դեպքում ԴՆՄ հայտնաբերելը դժվարանում է:
Հանկարծահաս (սուր) ԴՆՄ համախատանիշի առաջին նշանը կարող է դառնալ առատ արյունահոսությունը:
ԴՆՄ-ի մյուս գանգատներն ու նշանները կախված են այս վիճակն առաջացնող պատճառից: Ձեզ մոտ կարող են զարգանալ արյունահոսության հետևյալ տեսակները՝
- չդադարող արյունահոսություն ձեր կտրած կամ այլ տեսակի վերքերից
- չդադարող արյունահոսություն ձեր վիրահատական վերքից կամ տեղադրված ներերակային կամ միզային կաթետերներից
- մաշկի վրա տարածուն կամ փոքր կարմիր կետային (պետեխիաներ) կամ ավելի մեծ (պուրպուրաներ) արյունազեղումների առաջացում
- քթային, լնդային, բերանի խոռոչի լորձաթաղանթից կամ ձեր ատամները խոզանակով մաքրելիս առաջացող արյունահոսություն
- արյուն կղանքում, որը ստանում է մուգ կարմիր կամ սև ձթանման տեսք (արյունային կղանք)
- արյուն մեզում (արյունամիզություն)
- դաշտանի առատացում:
Ե՞րբ դիմել բժշկին
Առանց հետաձգելու դիմեք ձեր բժշկին, եթե ձեզ կամ ձեր ծանոթներից մեկնումեկի մոտ առկա են վերևում թվարկված նշաններից մեկնումեկը: ԴՆՄ ախտորոշումը պահանջում է որոշ լաբորատոր թեստեր, ուստի բժշկին վաղ այցելելը կարող է նպաստել բարդությունների զարգացման կանխարգելմանը և հաջող բուժմանը:
Հոդվածը տեղադրվել է՝ 17-04-2020 վերանայվել է՝ 08-05-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
