Skip to main content

Բարդություններ - Դիսեմինացված ներանոթային մակարդում

Դիսեմինացված կամ տարածուն ներանոթային մակարդման (ԴՆՄ) համախտանիշին ուղեկցող արյան գերարագացած մակարդումը կամ արյունահոսությունը կարող են առաջացնել կյանքին սպառնացող տարբեր բարդություններ:

Դրանցից են՝

  • սուր շնչառական դիսթրես համախտանիշ (ՍՇԴՀ)՝ սուր թոքային անբավարարություն, որը բերում է արյան մեջ թթվածնի ցածր պարունակության (թթվածնաքաղց կամ հիպօքսիա)
  • մարսողական խողովակում կամ որևէ այլ տեղ ծանր արյունահոսություն
  • սրտամկանի ինֆարկտ կամ ինսուլտ
  • մեկից ավելի օրգանների (բազմաօրգանային) անբավարարություն, օրինակ՝ թոքերի (շնչառական) և երիկամների
  • շոկ
  • թոքային անոթներում կամ ոտքերի խորը երակներում արյան մակարդուկների առաջացում (թրոմբոզ):

Անհապաղ զանգեք 1-03 և կանչեք շտապբուժօգնություն, եթե առկա են հետևյալ նշանները՝

  • առատ արյունահոսություն կամ քրոնիկ մակարդուկներ
  • սրտամկանի ինֆարկտին կամ ինսուլտին բնորոշ նշաններ
  • այլ սուր բարդություններ:

Հիշեք, որ ԴՆՄ համախտանիշի նկարագրված բարդությունները կարող են զգալիորեն կանխարգելվել այս վիճակի առաջին ախտանիշները հայտնաբերելիս առանց հետաձգելու ձեր բժշկին դիմելու, վաղ ախտորոշման և բուժման շնորհիվ:

Հոդվածը հրապարակվել է՝ 18-04-2020
Վերջին վերանայում՝ 06-04-2024