Ախտանիշներ - Չոր մաշկ

Չոր մաշկը հաճախ ունի ժամանակավոր կամ սեզոնային բնույթ, օրինակ՝ այն կարող է ի հայտ գալ միայն ձմռանը, կամ գուցե անհրաժեշտ լինի երկարատև բուժում:

Չոր մաշկի գանգատներն ու ախտանիշները նույնպես կարող են տարբեր լինել՝ կախված ձեր տարիքից, առողջական վիճակից, մաշկի երանգից, բնակության միջավայրից և արևի ճառագայթման մակարդակից: Դրանք ներառում են՝

• մաշկի ձգվածության զգացում
• մաշկ, որը զգացվում և թվում է կոպիտ
• քորի առաջացում (պրուրիտուս)
• մաշկի թեթևից մինչև ծանր թեփուկավորում, որն առաջացնում է մոխրագույն տեսք և կարող է ազդել չոր շագանակագույն և սև մաշկի վրա
• մաշկի թեթևից մինչև ուժեղ թեփոտում
• ոտքերի վրա ճեղքեր («չոր գետի հուն»)
• բարակ գծեր կամ ճաքեր
• մաշկ, որը տատանվում է կարմրավունից՝ սպիտակ մաշկի վրա մինչև մոխրագույն՝ շագանակագույն և սև մաշկի վրա
• խոր ճաքեր, որոնք կարող են արյունահոսել:

Ե՞րբ դիմել բժշկին

Չոր մաշկի դեպքերի մեծ մասը լավ արձագանքում է ապրելակերպի փոփոխություններին և տնային միջոցներին: Ձեզ կարող է անհրաժեշտ լինել ընտանեկան բժշկի կամ մաշկաբանի խորհրդատվություն, եթե՝

• դուք փորձել եք տնային միջոցներ, բայց ձեր գանգատներն ու ախտանիշները պահպանվում են
• ձեր մաշկը դարձել է բորբոքված կամ ցավոտ
• ձեզ մոտ զարգացել է չոր, հաստ մաշկ՝ որպես քաղցկեղի բուժման կողմնակի ազդեցություն
• ձեր վիճակը ձեզ այնքան անհարմարավտություն է պատճառում, որ կորցրել եք քունը կամ մշտապես շեղվում եք ձեր առօրյա գործերից
• դուք ունեք բաց վերքեր կամ քորից ու քերծվածքներից առաջացած վարակներ
• դուք ունեք թեփուկավոր կամ թեփոտվող մաշկ: