Պատճառներ - Իմպոտենցիա

Տղամարդու սեռական գրգռումը բարդ գործընթաց է, որը ներառում է գլխուղեղը, հորմոնները, հույզերը, նյարդերը, մկանները և արյունատար ​անոթները:

Էրեկտիլ դիսֆունկցիան կամ իմպոտենցիան կարող է առաջանալ դրանցից որևէ մեկի հետ կապված խնդրի պատճառով: Նույն կերպ, սթրեսը և հոգեկան առողջության հետ կապված խնդիրները կարող են առաջացնել կամ վատթարացնել էրեկտիլ դիսֆունկցիան:

Երբեմն էրեկտիլ դիսֆունկցիա առաջանում է ֆիզիկական և հոգեբանական խնդիրների համակցության պատճառով: Օրինակ, փոքր ֆիզիկական խնդիրը, որը դանդաղեցնում է ձեր սեռական պատասխանը, կարող է էրեկցիայի պահպանելու հետ կապված անհանգստություն առաջացնել, որն, իր հերթին հանգեցնի կամ վատթարացնի էրեկտիլ դիսֆունկցիան:

Էրեկտիլ դիսֆունկցիայի ֆիզիկական պատճառներ

Բազմաթիվ դեպքերում էրեկտիլ դիսֆունցիա զարգանում է որևէ ֆիզիկական կամ ֆիզիոլոգիական պատճառով: Դրանցից են՝

Շատ դեպքերում էրեկտիլ դիսֆունկցիայի պատճառը ֆիզիկական ինչ-որ բան է: Տարածված պատճառները ներառում են՝

• սրտային հիվանդություն
• արյունատար անոթների խցանում (աթերոսկլերոզ)
• բարձր խոլեստերին
• բարձր արյան ճնշում (հիպերտենզիա)
• դիաբետ (շաքարախտ)
• գիրություն (ճարպակալում)
• մետաբոլիկ համախտանիշ՝ վիճակ, որը կապված է բարձրացած արյան ճնշման, ինսուլինի բարձր մակարդակների (ինսուլինակայունություն), իրանի շուրջը ճարպի կուտակման (որովայնային ճարպակալում) և խոլեստերինի բարձր մակարդակի հետ
• Պարկինսոնի հիվանդություն
• ցրված սկլերոզ
• որոշ դեղերի ընդունում
• ծխախոտի օգտագործում
• Պեյրոնիի հիվանդություն՝ առնանդամի ներսում սպիական հյուսվածքի զարգացում
• ալկոհոլիզմ և թմրամիջոցների չարաշահման այլ տեսակներ
• քնի խանգարումներ
• շագանակագեղձի քաղցկեղի և մեծացած շագանակագեղձի (ադենոմայի) բուժում
• կոնքի օրգանների կամ ողնուղեղի վրա ազդող վիրահատություններ կամ վնասվածքներ
• ցածր տեստոստերոն
• վահանաձև գեղձի թերակտիվություն (հիպոթիրեոզ):

Էրեկտիլ դիսֆունկցիայի հոգեբանական պատճառներ

Գլխուղեղն առանցքային դեր ունի էրեկցիա առաջացնող ֆիզիոլոգիական մեխանիզմների զարգացման մեջ՝ սկսած սեռական գրգռումից: Տարբեր խնդիրներ կարող են խաթարել սեռական զգացումները և առաջացնել կամ վատթարացնել էրեկտիլ դիսֆունկցիան: Դրանք ներառում են՝

• դեպրեսիա, անհանգստություն և տագնապ կամ հոգեկան առողջության այլ խնդիրներ
• սթրես
• փոխհարաբերությունների հետ կապված խնդիրներ սթրեսի, վատ հաղորդակցման կամ այլ խնդիրների պատճառով:

Ռիսկի գործոններ

Տարիքի հետ էրեկցիայի հասնելը կարող է ավելի երկար տևել և այնքան էլ ամուր չլինել: Էրեկցիայի հասնելու և պահպանելու համար կարող է անհրաժեշտ լինել ավելի ուղղակի հպում ձեր առնանդամին:

Տարբեր ռիսկի գործոններ կարող են նպաստել էրեկտիլ դիսֆունկցիայի առաջացմանը, այդ թվում՝

Բժշկական պայմաններ, մասնավորապես շաքարախտ կամ սրտի հիվանդություններ

• հիվանդություններ կամ առողջական խնդիրներ, հատկապես դիաբետ կամ սրտային հիվանդություններ
• ծխախոտի օգտագործում, որը թուլացնում է արյան հոսքը դեպի երակներ և զարկերակներ և կարող է ժամանակի ընթացքում առաջացնել քրոնիկ հիվանդություններ, որոնք հանգեցնում են էրեկտիլ դիսֆունկցիայի
• ավելորդ քաշ, հատկապես, եթե դուք գեր եք
• որոշ բուժումներ, ինչպիսիք են շագանակագեղձի վիրահատությունը կամ քաղցկեղի ճառագայթային բուժումը
• վնասվածքներ, հատկապես, երբ դրանք վնասում են էրեկցիան վերահսկող նյարդերը կամ զարկերակները
• հոգեբանական խնդիրներ, ինչպիսիք են սթրեսը, անհանգստությունը կամ դեպրեսիան
• թմրամիջոցների և ալկոհոլի օգտագործում, հատկապես, եթե դուք երկարաժամկետ թմրամիջոցներ օգտագործող եք կամ շատ խմող եք: