Կանանց անպտղություն

Անպտղությունը բորոշվում է որպես 12 ամսվա ընթացքում չպաշտպանված սեռական կյանքով ապրելու ընթացքում հղիանալու բացակայություն։

Ավելի լայն իմաստով, անպտղությունը (ամլություն, չբերություն) ներառում է ոչ միայն չհղիանալը, այլև հղիանալուց հետո հղիությունը մինչև ծննաբերություն հասցնելու անկարողությունը։

Միջինը 10 զույգերից 4-ը ժամանակի ընթացքում առնչվում է սերունդ վերարտադրելու անընդունակության խնդրին։

Կան անպտղության բազմաթիվ պատճառներ։ Որոշ դեպքերում մեկ զույգի մոտ կարող են գրանցվել անպտղության մեկից ավելի պատճառներ։

Կանացի անպտղության պատճառները

Կնոջ պտղաբերությունը կարող է կախված լինել հետևյալ գործոններից՝

Տղամարդկանց անպտղության պատճառները

Ձեզ մոտ հղիանալու անհաջող փորձերը կարող են պայմանավորված լինել ոչ թե ձեր, այլ՝ ձեր զուգընկերոջ ամլությամբ։ Տղամարդկանց ամլության պատճառ կարող են հանդիսանալ՝

  • ՍՃՓՀ
  • ամորձիների և դրանց խողովակների հետ կապված բնածին կամ ձեռքբերովի խնդիրներ
  • սերմնահեղուկի քչացում
  • սպերմատոզոիդների հետ կապված խնդիրներ
  • նյարդաներզատական խանգարումներ
  • ժառանգական խնդիրներ։

Անպտղության բուժում և կանխարգելում

Անպտղության բուժումը պետք է սկսել որքան հնարավոր է վաղ։ Բուժումը ներառում է անպտղության պատճառների վերացումը՝ բորբոքային հիվանդության բուժում, ՍՃՓՀ բուժում, արգանդափողերի անցանելիության վերականգնում, այդ թվում՝ վիրահատությամբ, ներզատական խանգարումների համալիր բուժում և այլն։

Անպտղության կանխարգելման հիմնական միջոցառումը սեռական օրգանների բորբոքային կամ վարակային հիվանդությունների ժամանակին կանխումն ու բուժումն է, աբորտից խուսափելը, անձնական հիգիենայի կանոնների պահպանումը։ Անպտղության կանխարգելման համատեքստում կարևոր է նաև նորմալ քաշի պահպանումը, դաշտանային ցիկլի խանգարումների կարգավորումը և այլն։

Հոդվածը վերանայվել է՝ 05-02-2021