Կանանց սեռական դիսֆունկցիա

Կանանց սեռական դիսֆունկցիա

​Սեռական պատասխանի, հաճույքի, օրգազմի կամ ցավի հետ կապված մշտական կամ կրկնվող խնդիրները, որոնք հիասթափեցնում են ձեզ և ստիպում խուսափել սեռական կյանքից, բժշկության մեջ հայտնի են որպես սեռական դիսֆունկցիա:

Թեև սեռական դիսֆունկցիայի (գործունեության խանգարման) կամ թուլության մասին ավելի շատ խոսվում է տղամարդկանց համար, բազմաթիվ կանայք նույնպես զերծ չեն այս խնդրից։ Նրանց մի մասի մոտ սեռական դիսֆունկցիա առաջանում է կյանքի որևէ շրջանում, մինչդեռ մյուսներն իրենց ողջ կյանքի ընթացքում առնչնվում են այս խնդրին:

Սեռական պատասխանը ներառում է ֆիզիոլոգիայի, հույզերի, փորձառության, համոզմունքների, ապրելակերպի և փոխհարաբերությունների բարդ փոխազդեցություններ: Թվարկված բաղադրիչներից յուրաքանչյուրի խախտումը կարող է ազդել սեռական ցանկության, հաճույքի կամ բավարարվածության վրա:

Կանանց սեռական դիսֆունկցիա կարող է զարգանալ կյանքի ցանկացած փուլում: Այն կարող է ի հայտ գալ միայն որոշակի կամ բոլոր սեռական իրավիճակներում։ Սեռական խնդիրներն ունեն կարեւոր ազդեցություն ոչ միայն ձեր կամ ձեր սեռական զուգընկերոջ ինտիմ կյանքի, ընտանիքի, աշխատանքի, այլև միջանձնային փոխհարաբերությունների վրա:

Կանանց սեռական դիսֆունկցիան դրսևորվում է սեռական ցանկության և ակտիվության նվազումով կամ բացակայությամբ, սեռական հարաբերության ցավոտությամբ, հեշտանքի (լիբիդո) խանգարումներով և այլն: Վերջին վիճակագրական տվյալները հաստատում են, որ կանանց մոտավորապես 40%-ն ունեն սեռական խնդիրներ:

Բուժումը հաճախ ներառում է մեկից ավելի մոտեցումների կիրառում:

Հոդվածը վերանայվել է՝ 18-06-2021