Կանանց սեռական դիսֆունկցիա. ախտորոշում

Կանանց սեռական դիսֆունկցիա. ախտորոշում

Կանանց սեռական դիսֆունկցիան ախտորոշելիս բժիշկը կարող է ձեռնարկել հետևյալ միջոցառումները:

  • Սեռական և բժշկական պատմության քննարկում. գուցե ձեզ համար խիստ դժվար թվա բժշկին անձնական և ինտիմ բնույթի խնդիրների ներկայացումը, սակայն հիշեք, որ սեռական կյանքն ընդհանուր բարեկեցության կարևոր մասն է: Ուստի, բժշկի հարցերին պատասխանեք հնարավորինս ճիշտ ու անկեղծ՝ առանց ամաչելու կամ որոշ ընտանեկան գաղտնիքներ թաքցնելու:
  • Արտաքին և հեշտոցային զննում. այս հետազոտություններով բժիշկը ստուգում է այն ֆիզիկական փոփոխությունները, որոնք կարող են ազդել ձեր սեռական ցանկության և բավարարվածության վրա, օրինակ՝ սեռական հյուսվածքների բարակում, մաշկի ճկունության թուլացում, սպիացումներ կամ ցավոտություն:
  • Արյան և այլ հետազոտություններ. բժիշկը կարող է առաջարկել արյան հետազոտություններ, որ ստուգի սեռական դիսֆունկցիային նպաստող հնարավոր հիվանդությունների կամ առողջական խնդիրների առկայությունը: Որոշ դեպքերում կարող է առաջանալ փոքր կոնքի օրգանների գերձայնային հետազոտության կարիք (սոնոգրաֆիա):

Բժիշկը կարող է նաև ձեզ ուղեգրել խորհրդատուի և սեռական ու փոխհարաբերությունների խնդիրների բուժման մեջ մասնագիտացված թերապևտի խորհրդատվության:

Հոդվածը վերանայվել է՝ 28-03-2021