Ֆիբրոադենոմա․ ախտանիշներ

Ֆիբրոադենոմա․ ախտանիշներ

Ֆիբրոադենոմաները կրծքագեղձի պինդ ուռուցքներ են:

Ֆիբրոադենոմաները սովորաբար՝

  • կլորավուն են (գնադաձև) և ունեն հստակ առանձնացված հարթ սահմաններ
  • շարժուն են (շոշափելիս մաշկի տակ ազատ շարժվում են)
  • պինդ կամ ռետինե (փափուկ-առաձգական) բնույթի են
  • անցավ են, թեև երբեմն կարող են առաջացնել լարվություն կամ նույնիսկ դառնալ ցավոտ, հատկապես հերթական դաշտանից առաջ:

Ֆիբրոադենոմաները կարող են ի հայտ գալ մեկ կամ երկու կրծքագեղձերում:

Ե՞րբ դիմել բժշկին

Առողջ կանանց մոտ կրծքագեղձի նորմալ հյուսվածքը հաճախ կարող է թվալ ուռուցիկ: Պայմանավորվեք և հանդիպեք բժշկին, եթե՝

  • կրծքագեղձում հայտնաբերել եք նոր ուռուցիկ գոյացություն
  • նկատել եք կրծքագեղձերի այլ փոփոխություններ
  • կրծքագեղձում առկա ուռուցքային գոյացությունն աճել կամ փոփոխվել է և կարծես ավելի է սահմանազատվել շրջապատող հյուսվածքներից:

Հոդվածը վերանայվել է՝ 11-07-2021