Գրադարան
Ֆիբրոզ-կիստոզ կրծքագեղձեր (մաստոպաթիա)
1 րոպե
Ֆիբրոզ-կիստոզ կրծքագեղձերը կազմված են հյուսվածքից, որը զգացվում է որպես գնդաձև կամ պարանանման գոյացություն:
Բժիշկները սա անվանում են հանգուցային կամ գեղձային կրծքագեղձի հյուսվածք:
Ֆիբրոզ-կիստոզ կրծքագեղձեր ունենալը կամ նախկինում կրծքագեղձի ֆիբրոկիստոզ փոփոխությունների խնդրին առնչվելը ամենևին էլ հազվադեպ հանդիպող վիճակ չէ: Բժիշկ-մասնագետները հրաժարվել են «կրծքագեղձի ֆիբրոզ-կիստոզային հիվանդություն» տերմինից և այս վիճակն անվանում են պարզապես «ֆիբրոզ-կիստոզ կրծքագեղձեր» կամ «կրծքագեղձի ֆիբրոզ-կիստոզ փոփոխություններ», քանի որ ֆիբրոզ-կիստոզ կրծքագեղձեր ունենալն իրականում հիվանդություն չէ: Կրծքագեղձի փոփոխությունները, որոնք տատանվում են դաշտանային ցիկլի ընթացքում և ունեն պարան հիշեցնող կառուցվածք, համարվում են նորմալ:
Կրծքագեղձի ֆիբրոզ-կիստոզ փոփոխությունները միշտ չէ, որ առաջացնում են ախտանիշներ: Որոշ կանայք զգում են կրծքագեղձի ցավ, ցավոտություն և անսովոր գոյացության առկայություն, հատկապես կրծքագեղձի վերին արտաքին շրջանում: Կրծքագեղձի ախտանշաններն առավել անհանգստացնող են դաշտանից անմիջապես առաջ, իսկ հետո մեղմանում կամ անհետանում են: Ինքնօգնության պարզ միջոցները սովորաբար կարող են թեթևացնել ֆիբրոզ-կիստոզ կրծքագեղձի հետ կապված անհարմարավետությունը:
Հոդվածը տեղադրվել է՝ 29-04-2019 վերանայվել է՝ 07-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
