Գրադարան
Ֆիբրոզ-կիստոզ կրծքագեղձեր․ պատճառներ
1 րոպե
Կրծքագեղձի ֆիբրոզ-կիստոզ փոփոխությունների հստակ պատճառը հայտնի չէ, սակայն մասնագետները կասկածում են, որ վերարտադրողական հորմոնները, հատկապես էստրոգենը, կարող են որոշակի դեր խաղալ:
Դաշտանային ցիկլի ընթացքում հորմոնների մակարդակի տատանումները կարող են կրծքագեղձում առաջացնել անհարմարավետության զգացողություն (դիսկոմֆորտ) և կրծքագեղձի խորթուբորդ-հանգուցավոր հյուսվածքների շրջաններ, որոնք զգացվում են որպես զգայուն, ցավոտ և այտուցված օջախներ: Կրծքագեղձի ֆիբրոզ-կիստոզ փոփոխությունները հակված են ավելի անհանգստացնող դառնալ մինչև ձեր դաշտանը և թեթևանալ դաշտանի սկսվելուց հետո:
Մանրադիտակով դիտելիս կրծքագեղձի ֆիբոզ-կիստոզ հյուսվածքը ներառում է առանձին բաղադրիչներ, ինչպիսիք են՝
- հեղուկով լցված կլորավուն կամ ձվաձև պարկեր (կիստաներ)
- սպիական ֆիբրոզ հյուսվածքի կուտակում (ֆիբրոզ)
- կրծքագեղձի կաթնածորանները կամ կաթ արտադրող հյուսվածքները (բլթակներ, լոբուլաներ) ծածկող բջիջների գերաճ (հիպերպլազիա)
- կրծքագեղձի բլթակների մեծացում (ադենոզ):
Հոդվածը տեղադրվել է՝ 12-07-2021 վերանայվել է՝ 07-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
