Գրադարան

Ֆիբրոզ-կիստոզ կրծքագեղձեր․ ինքնօգնություն

Ֆիբրոզ-կիստոզ կրծքագեղձեր․ ինքնօգնություն

Time Read 1 րոպե

Դուք կարող եք ազատվել ֆիբրոզ-կիստոզ ​կրծքագեղձերի ախտանիշներից այս տնային միջոցներով:

  • Հագեք ամուր օժանդակող կրծկալ, որը, հնարավորության դեպքում, ցանկալի է, որ ընտրվի մասնագետի կողմից:
  • Վարժանքներ կատարելիս կամ քնած ժամանակ հագեք մարզական կրծկալ, հատկապես, եթե ձեր կուրծքը չափազանց զգայուն է:
  • Սահմանափակեք կամ խուսափեք կոֆեինից. թեև կոֆեինի ազդեցությունը կրծքագեղձի ցավի և այլ նախադաշտանային ախտանիշների վրա հակասական է, բազմաթիվ կանայք տեղեկացնում են, որ կոֆեին պարունակող ըմպելիքներից կամ սննդամթերքներից հրաժարվելը օգտակար է։
  • Կերեք ավելի քիչ ճարպ, որը կարող է նվազեցնել ֆիբրոզ-կիստոզ գոյացությունների հետ կապված ցավը կամ անհարմարավետությունը:
  • Կրճատեք կամ դադարեցրեք հորմոնային բուժումը, եթե հետդաշտանադադարի շրջանում եք: Այնուամենայնիվ, մինչև ձեր նշանակումներում որևէ փոփոխություն անելը խորհրդակցեք բժշկի հետ:
  • Օգտագործեք ջեռակ կամ տաք ջրով շիշ, որը կարող է մեղմացնել ձեր գանգատները:

Այլընտրանքային բժշկություն

Վիտամինները և սննդային հավելումները որոշ կանանց մոտ կարող են մեղմացնել կրծքագեղձի ցավի ախտանիշները և սրությունը: Հարցրեք ձեր բժշկին, թե արդյոք դրանցից մեկը կարող է օգնել ձեզ, և հարցրեք նաև դեղաչափերի և ցանկացած հնարավոր կողմնակի ազդեցությունների մասին:

  • Երեկոյան գարնանածաղկի (պրիմուլայի) յուղ (масло примулы вечерней). այս հավելումը կարող է փոփոխել ձեր բջիջներում ճարպաթթուների հավասարակշռությունը, որը կարող է նվազեցնել կրծքագեղձի ցավը:
  • Վիտամին E (տոկոֆերոլ). ավելի վաղ հետազոտությունները ցույց են տվել վիտամին E-ի հնարավոր բարենպաստ ազդեցությունը դաշտանային ցիկլի ընթացքում փոփոխվող կրծքագեղձի ցավի վրա: Մի հետազոտությամբ երկու ամսվա ընթացքում օրական երկու անգամ ընդունված 200 միջազգային միավոր (IU) վիտամին E-ն բարելավել է ախտանիշները, սակայն չորս ամիս հետո հավելյալ օգուտ չի արձանագրվել։ 18 տարեկանից բարձր, հղի և կրծքով կերակրող կանանց համար վիտամին E-ի առավելագույն չափաբաժինը օրական 1000 միլիգրամ է (կամ 1500 IU):

Եթե կրծքագեղձի ցավի դեմ հավելումներ եք փորձում, դադարեցրեք այն ընդունելը, եթե մի քանի ամիս անց կրծքագեղձի ցավի բարելավում չնկատեք: Փորձեք միայն մեկ հավելում միաժամանակ, որ կարողանաք հստակ որոշել, թե որն է օգնում կամ չի օգնում ցավի մեղմացմանը: Բոլոր դեպքերում, տեղեկացրեք բժշկին ձեր որոշումների մասին:

Բուժում      

Հոդվածը տեղադրվել է՝ 12-07-2021 վերանայվել է՝ 07-03-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով