Ֆիբրոզ-կիստոզ կրծքագեղձերը կարող են որևէ անհանգստություն չպատճառել և հայտնաբերվել պատահականորեն կամ էլ առաջացնեն անհանգստացնող ախտանիշներ:
Ֆիբրոզ-կիստոզ կրծքագեղձերի գանգատներն ու ախտանիշները կարող են ներառել՝
- կրծքագեղձի ուռուցքանման գոյացություններ կամ պնդացած շրջաններ, որոնք հակված են միաձուլվելու կրծքագեղձի շրջակա հյուսվածքին
- կրծքագեղձի տարածուն ցավ, ցավոտություն կամ անհարմարավետություն, որն ընդգրկում է կրծքագեղձի վերին դրսային շրջանը
- կրծքագեղձի հանգույցները կամ ուռուցքանման հյուսվածքները դաշտանային ցիկլի ընթացքում չափերով փոփոխվում են
- պտուկից կանաչ կամ մուգ շագանակագույն ոչ արյունային արտադրություն, որը հակված է արտահոսելու առանց ճնշելու կամ սեղմելու
- կրծքագեղձի փոփոխություններ, որոնք նման են երկու կրծքերում
- կրծքագեղձի ցավի կամ ուռուցքային գոյացության ամսական աճ՝ սկսած ցիկլի մեջտեղից (ձվազատում կամ օվուլյացիա) մինչև դաշտանից անմիջապես առաջ, և այնուհետև դաշտանի սկսման հետ մեղմացում:
Կրծքագեղձերի ֆիբրոզ-կիստոզ փոփոխություններն առավել հաճախ տեղի են ունենում 30-ից 50 տարեկանում: Այս փոփոխությունները հազվադեպ են լինում դաշտանադադարից հետո, եթե դուք չեք ընդունում հորմոնային փոխարինող բուժում, ինչպիսիք են էստրոգենը կամ պրոգեստերոնը:
Ե՞րբ դիմել բժշկին
Կրծքագեղձի ֆիբրոզ-կիստոզ փոփոխությունների մեծ մասը նորմալ է: Այնուամենայնիվ, ձեր բժշկի հետ պայմանավորվեք այց, եթե՝
- դուք հայտնաբերում եք կրծքագեղձի նոր կամ մշտական ուռուցք կամ կրծքագեղձի հյուսվածք զգալի պնդացման կամ կոշտացման շրջաններ
- դուք ունեք կրծքագեղձի անընդհատ կամ վատթարացող ցավի որոշակի շրջաններ
- կրծքագեղձի փոփոխությունները պահպանվում են դաշտանից հետո
- ձեր բժիշկը գնահատել է կրծքագեղձի գոյացությունը, սակայն այժմ այն թվում է ավելի մեծ կամ որևէ այլ կերպ փոփոխվել է:
Հոդվածը հրապարակվել է՝ 12-07-2021
Վերջին վերանայում՝ 23-04-2024