Գրադարան

Ֆոլիկուլիտ. պատճառներ

Ֆոլիկուլիտ. պատճառներ

Time Read 1 րոպե

Ֆոլիկուլիտը հաճախ առաջանում է, երբ մազարմատները (մազապարկիկները կամ ֆոլիկուլները) վարակվում են բակտերիայով, սովորաբար՝ ոսկեգույն ստաֆիլոկոկով (Staphylococcus aureus):

Այն նաև կարող է առաջանալ վիրուսների, սնկիկների, մակաբույծների, դեղամիջոցների, քիմիական գրգռման կամ ֆիզիկական վնասվածքների պատճառով: Երբեմն պատճառը հայտնի չէ:

Ռիսկի գործոններ

Ֆոլիկուլիտ կարող է առաջանալ ցանկացած մարդու մոտ, սակայն որոշ գործոններ մեծացնում են դրա առաջացման ռիսկը:

Դրանցից են՝

  • ջերմությունը և քրտինքը փակող հագուստի հաճախակի կրելը, ինչպիսիք են ռետինե ձեռնոցները կամ երկարաճիտ կոշիկները (սապոգ)
  • լոգարաններից, ջակուզիներից կամ հանրային լողավազաններից օգտվելը, որոնք լավ չեն պահպանվում
  • մազարմատների վնասում սափրվելու, էպիլյացիայի, կիպ հագուստ կրելու կամ վարսահարդարման մեթոդների պատճառով, ինչպիսիք են ձգումը, կեղծամները և յուղերը
  • որոշ դեղերի օգտագործում, ինչպիսիք են կորտիկոստերոիդային քսուքները, Պրեդնիզոնը, ակնեի (պզուկների) դեմ երկարատև հակաբիոտիկային բուժումը և քիմիաթերապիայի որոշ դեղամիջոցները
  • դերմատիտ կամ ավելորդ քրտնարտադրություն (հիպերհիդրոզ)
  • շաքարային դիաբետ, ՄԻԱՎ/ՁԻԱՀ կամ մեկ այլ հիվանդություն կամ վիճակ, որը նվազեցնում է վարակների նկատմամբ ձեր դիմադրողականությունը:

Հոդվածը տեղադրվել է՝ 19-05-2023 վերանայվել է՝ 24-08-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով