Գրադարան
Ֆոլիկուլիտ
1 րոպե
Ֆոլիկուլիտը տարածված մաշկային հիվանդություն է, որն առաջանում է, երբ մազարմատները (մազապարկիկներ կամ ֆոլիկուլներ) բորբոքվում են:
Ֆոլիկուլիտը հաճախ զարգանում է բակտերիայով վարակվելու հետևանքով: Սկզբում այն կարող է նմանվել փոքր ակնեի (պզուկների)՝ տեղակայված փոքրիկ ծակոտկենի շուրջը, որտեղից յուրաքանչյուր մազ աճում է դեպի դուրս:
Վիճակը կարող է առաջացնել քոր և անհանգստություն՝ կապված արտաքին տեսքի հետ: Վարակը կարող է տարածվել և վերածվել կեղևով ծածկված խոցերի։
Թեթև ֆոլիկուլիտը մեծ հավանականությամբ բուժվում է մի քանի օրվա ընթացքում տարրական ինքնօգնության միջոցով և սպի չի թողնում: Ավելի լուրջ կամ կրկնվող վարակները կարող են պահանջել դեղերի օգտագործում: Չբուժվելու դեպքում ծանր վարակները կարող են հանգեցնել մշտական մազաթափության և սպիների:
Ֆոլիկուլիտի որոշ տեսակներ հայտնի են որպես ջակուզիի ցան և վարսավիրի քոր:
Հոդվածը տեղադրվել է՝ 28-06-2018 վերանայվել է՝ 19-05-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
