Գալակտոռեա. ախտանիշներ

Գալակտոռեա. ախտանիշներ

Կաթնահոսությունն ուղեկցվում է որոշ ախտանիշներով:

Գալակտոռեայի հետ կապված ախտանիշներից են՝

  • պտուկներից կայուն կամ ընդմիջվող կաթնային արտադրություն
  • պտուկից արտադրություն, որը ներառում է բազմաթիվ կաթնածորաններ
  • ինքնաբուխ հոսող կամ ձեռքով սեղմելիս պտուկից արտադրություն
  • մեկ կամ երկու կրծքագեղձերի ախտահարում
  • բացակայող (ամենոռեա) կամ անկանոն դաշտանային ցիկլեր
  • գլխացավեր կամ տեսողության խնդիրներ:

Ե՞րբ դիմել բժշկին

Եթե հղի չեք կամ կրծքով կերակրող մայր չեք և առաջացել է մեկ կամ երկու կրծքագեղձերի պտուկներից ինքնաբուխ (առանց արտաքին խթանման) կայուն կաթնային արտադրություն, այցելեք բժշկին:

Եթե պտուկից արտադրությունը կաթնային չէ, հատկապես, եթե արյունային է, դեղին կամ թափանցիկ, որն արտահոսում է միայն մեկ կաթնածորանից և կապված է կրծքագեղձում շոշափվող ուռուցքային կամ կասկածելի գոյացության հետ, առանց հետաձգելու այցելեք ձեր բժշկին, քանի որ այս նշանները կարող են լինել կրծքագեղձի քաղցկեղի ախտանիշներից մեկը:

Հոդվածը վերանայվել է՝ 26-05-2021