Գրադարան
Գալակտոռեա. ախտանիշներ
1 րոպե
Կաթնահոսությունն ուղեկցվում է որոշ ախտանիշներով:
Գալակտոռեայի հետ կապված ախտանիշներից են՝
- պտուկներից կայուն կամ ընդմիջվող կաթնային արտադրություն
- պտուկից արտադրություն, որը ներառում է բազմաթիվ կաթնածորաններ
- ինքնաբուխ հոսող կամ ձեռքով սեղմելիս պտուկից արտադրություն
- մեկ կամ երկու կրծքագեղձերի ախտահարում
- բացակայող (ամենոռեա) կամ անկանոն դաշտանային ցիկլեր
- գլխացավեր կամ տեսողության խնդիրներ:
Ե՞րբ դիմել բժշկին
Եթե հղի չեք կամ կրծքով կերակրող մայր չեք և ունեք մեկ կամ երկու պտուկներից ինքնաբուխ (առանց արտաքին խթանման) կայուն կաթնային արտադրություն, այցելեք ձեր բժշկին:
Եթե կրծքագեղձի գրգռումը, ինչպիսին է պտուկների չափից ավելի մանիպուլյացիան սեռական ակտիվության ժամանակ, առաջացնում է պտուկային արտահոսք մի քանի ծորաններից, դուք անհանգստանալու քիչ պատճառ ունեք: Արտադրությունը, հավանաբար, ոչ մի խանգարում չի ազդարարում, և հաճախ ինքնուրույն է անցնում: Եթե ունեք մշտական արտադրություն, որը չի անհետանում, պայմանավորվեք ձեր բժշկի հետ այն ստուգելու համար:
Եթե պտուկից արտադրությունը կաթնային չէ, հատկապես, եթե արյունային է, դեղին կամ թափանցիկ, որն արտահոսում է միայն մեկ կաթնածորանից և կապված է կրծքագեղձում շոշափվող ուռուցքային կամ կասկածելի գոյացության հետ, առանց հետաձգելու այցելեք ձեր բժշկին, քանի որ այս նշանները կարող են լինել կրծքագեղձի քաղցկեղի ախտանիշներից մեկը:
Հոդվածը տեղադրվել է՝ 26-05-2021 վերանայվել է՝ 05-04-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
