Արտաքին զննում, որի ընթացում բժիշկը նաև նուրբ կսեղմի պտուկների շուրջբոլորը՝ փորձելով տեսնել կաթնահոսության բնույթը: Բժիշկը նաև կփորձի հայտնաբերել կրծքագեղձի հյուսվածքում ուռուցքային կամ կասկածելի գոյացություն
Պտուկային արտադրուկի նմուշի հետազոտություն. պտուկային արտադրուկում ճարպային կաթիլների առկայությունը կարող է օգնել գալակտոռեայի ախտորոշման հաստատմանը:
Արյան թեստ. բժիշկը կարող է նշանակել արյան թեստեր, որ ստուգի արյան պրոլակտինի մակարդակը: Եթե պրոլակտինի մակարդակը բարձրացած է, բժիշկը հավանաբար կցանկանա նաև ստուգել թիրեոտրոպ հորմոնի (TSH) մակարդակը:
Հղիության թեստ. բժիշկը կարող է խորհուրդ տալ հղիության թեստ, որ բացառի հղիության առկայությունը:
Մամոգրաֆիա, գերձայնային հետազորություն կամ երկուսն էլ. կրծքագեղձի սոնոգրաֆիան և մամոգրաֆիան օգնում են գնահատելու կաթնագեղձի հյուսվածքի հնարավոր փոփոխությունները, ինչպես նաև թույլ են տալիս հայտնաբերել ուռուցքային և այլ հիվանդությունները (այդ թվում՝ չարորակ)։
Գլխուղեղի մագնիսա-ռեզոնանսային տոմոգրաֆիա (ՄՌՏ). ՄՌՏ-ի կարիքը կարող է առաջանալ, երբ անհրաժեշտ է ստուգել հիպոֆիզի ադենոմայի կամ այլ հիվանդությունների առկայությունը, հատկապես, եթե արյան թեստով հայտնաբերվել է պրոլակտինի բարձր մակարդակ:
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը: Հեղինակային բոլոր իրավունքները պատկանում են Մեդեքսին։
