Միշտ չէ, որ պարզ է, թե ինչն է հանգեցնում գաստրոպարեզի, բայց որոշ դեպքերում այն կարող է առաջանալ ստամոքսի մկանները կառավարող նյարդի վնասման հետևանքով (կոչվում է թափառող կամ վագուս նյարդ):
Թափառող նյարդը օգնում է մարսողական խողովակի բարդ գործընթացների կառավարմանը, այդ թվում՝ ազդանշան տալով ստամոքսի մկաններին, որ կծկվեն և սնունդը մղեն դեպի բարակ աղիքներ: Վնասված թափառող նյարդը չի կարողանում նորմալ կերպով ստամոքսի մկաններին ազդանշաններ ուղարկել: Սա կարող է հանգեցնել նրան, որ սնունդը ավելի երկար մնա ձեր ստամոքսում, այլ ոչ թե տեղափոխվի բարակ աղիքներ՝ մարսվելու համար:
Թափառող նյարդը և նրա ճյուղերը կարող են վնասվել հիվանդություններից, ինչպիսին է դիաբետը կամ ստամոքսի կամ բարակ աղիքի վիրահատությունից:
Ռիսկի գործոններ
Գաստրոպարեզի ռիսկը մեծացնող գործոններից են՝
- շաքարային դիաբետ
- ոորովայնի կամ կերակրափողի վիրահատություն
- վարակ, սովորաբար վիրուսային ծագման
- որոշ դեղամիջոցներ, որոնք դանդաղեցնում են ստամոքսի դատարկման արագությունը, ինչպիսիք են թմրաբեր ցավազրկող դեղամիջոցները
- սկլերոդերմա՝ շարակցական հյուսվածքի հիվանդություն
- նյարդային համակարգի հիվանդություններ, ինչպիսիք են Պարկինսոնի հիվանդությունը կամ բազմակի ցրված սկլերոզը
- թերակտիվ վահանաձև գեղձ (հիպոթիրեոզ):
Կանայք ավելի հավանական է, որ ունենան գաստրոպարեզ, քան տղամարդիկ:
Հոդվածը հրապարակվել է՝ 11-06-2021
Վերջին վերանայում՝ 23-04-2024