Գաստրոպարեզ․ բարդություններ

Գաստրոպարեզ․ բարդություններ

Գաստրոպարեզը կարող է հանգեցնել մի շարք բարդությունների:

  • Սուր ջրազրկում. շարունակական փսխումները կարող են առաջացնել օրգանիզմի ջրազրկում:
  • Թերսնուցում. գաստրոպարեզին ուղեկցող վատ ախորժակը թույլ չի տալիս, որ սննդով բավարար կալորիաներ ստանաք, իսկ փսխումները խոչընդոտում են բավարար սննդանյութերի ներծծմանը, որոնց արդյունքում կարող է զարգանալ ծանր թերսնուցում՝ իր բոլոր հետևանքներով:
  • Ստամոքսում մնացած սննդի քարացում. երկար ժամանակ ստամոքսում մնացած սնուդը կարող է վերածվել այլևս մարսողության չենթարկվող պինդ զանգվածի (բեզոար կամ ստամոքսի օտար մարմին): Բեզոարները կարող են առաջացնել սրտխառնոց և փսխում, անգամ դառնալ կյանքին սպառնացող, եթե կանխում են սննդի տեղափոխումը դեպի բարակ աղի:
  • Արյան շաքարի անկանխատեսելի փոփոխություններ. գաստրոպարեզը չի առաջացնում դիաբետ, սակայն ստամոքսից դեպի բարակ աղի սննդի տեղափոխման արագության և քանակի փոփոխությունները կարող են բերել արյան շաքարի մակարդակի կտրուկ տեղաշարժերի: Արյան շաքարի այսպիսի տատանումները վատթարացնում են դիաբետի ընթացքը, իսկ շաքարի վերահսկման վատթարացումն իր հերթին խորացնում է գաստրոպարեզը:
  • Կյանքի որակի նվազում. գաստրոպարեզի ախտանիշները դժվարացնում են առօրյա գործերի և աշխատանքային պարտականությունների կատարումը:

Հոդվածը վերանայվել է՝ 11-06-2021