Գաստրոպարեզ․ ախտորոշում

Գաստրոպարեզ․ ախտորոշում

Գաստրոպարեզն ախտորոշելու և համանման ախտանիշներ առաջացնող այլ հիվանդությունները ժխտելու համար բժիշկներն օգտագործում են մի շարք թեստեր:

Ստամոքսի դատարկման թեստեր

Այս թեստերը կարող են օգնել գնահատելու ստամոքսի պարունակության դատարկման արագությունը:

  • Սցինտիգրաֆիա. սա գաստրոպարեզի ախտորոշման ամենակարևոր թեստն է: Այն ներառում է թեթև սննդի ընդունումը (օրինակ՝ հավկիթ և հաց), որը պարունակում է քիչ քանակով ռադիոակտիվ նյութ: Որովայնի շրջանում տեղադրվում է ռադիոակտիվ նյութի տեղաշարժը հայտնաբերող և գրանցող սքաներ: Մինչև հետազոտությանը ներկայանալը հարցրեք բժշկին, թե պետք է արդյոք ժամանակավորապես ընդհատել դեղամիջոցների ընդունումը:
  • Շնչառական թեստեր. այս հետազոտության համար նախապես ընդունվում է օրգանիզմի կողմից ներծծվող հատուկ նյութ պարունակող պինդ կամ հեղուկ սնունդ: Որոշ ժամանակ անց այդ նյութը կարող է հայտնաբերվել արտաշնչվող օդում: Արտաշնչված օդի նմուշները վերցվում են մի քանի ժամվա ընթացքում և չափվում է այդ նյութի քանակները: Թեստը կարող է ցույց տալ, թե ինչքան արագ է ստամոքսը դարակվում ըստ արտաշնչված օդում տվյալ նյութի քանակի փոփոխությունների:

Բարձր ստամոքսաղիքային էնդոսկոպիա

Այս միջամտությունն օգտագործում է ազատ ծայրին տեսախցիկ և լույսի աղբյուր ունեցող երկար ճկուն խողովակ, որի միջոցով բժիշկը զննում է մարսողական համակարգի վերին հատվածները՝ կերակրափող, ստամոքս և բարակ աղու սկզբնական բաժին (12-մատնա աղի): Հետազոտությունը նաև կարող է նշանակվել գաստրոպարեզի ախտանիշներին նմանվող ընթացքով այլ հիվանդություններն ախտորոշելիս, օրինակ՝ պեպտիկ խոցային հիվանդություն կամ ստամոքսաելքի նեղացում (պիլորիկ սթենոզ):

Գերձայնային հետազոտություն (սոնոգրաֆիա)

Գերձայնային հետազոտությունն օգտագործում է բարձր հաճախականության ձայնային ալիքներ, որոնց շնորհիվ ստացվում են օրգանիզմի ներքին կառուցվածքների սոնոգրաֆիկ պատկերները: Սոնոգրաֆիան օգնում է ախտորոշելու լեղապարկի կամ երիկամների խնդիրները, որոնք կարող են լինել գաստրոպարեզին նմանվող գանգատների պատճառները:

Հոդվածը վերանայվել է՝ 11-06-2021