Գաստրոպարեզ (ստամոքսի դատարկման ուշացում)

Գաստրոպարեզը հիվանդություն է, որը խաթարում է ստամոքսի մկանների նորմալ ինքնաբուխ շարժումները (մոտորիակա):

Մարսողական խողովակովով սնունդը տեղաշարժվում է մկանային ուժեղ կծկանքների շնորհիվ: Սակայն, եթե ունեք գաստրոպարեզ, ստամոքսի մոտորիկան դանդաղած է կամ ընդհանրապես բացակայում է, որի արդյունքում ստամոքսը պատշաճ կերպով չի դատարկվում:

Գաստրոպարեզի պատճառը սովորաբար անհայտ է: Երբեմն այն զարգանում է որպես դիաբետի բարդություն, իսկ որոշ մարդկանց մոտ՝ վիրահատությունից հետո: Որոշ դեղամիջոցներ, օրինակ՝ թմրաբեր ցավազրկողները, հակադեպրեսանտները, բարձր արյան ճնշման և ալերգիայի դեմ օգտագործվող դեղերը կարող են դանդաղեցնել ստամոքսի դատարկումը և պատճառել նմանատիպ ախտանիշներ: Այս դեղամիջոցները կարող են վատթարացնել գաստրոպարեզ ունեցող մարդկանց գանգատներն ու ախտանիշները:

Գաստրոպարեզը կարող է խոչընդոտել նորմալ մարսողությունը, առաջացնել սրտխառնոց, փսխում և որովայնային ցավեր: Այն նաև կարող է առաջացնել արյան շաքարի մակարդակի հետ կապված խնդիրներ և թերսնուցում:

Գաստրոպարեզը վերջնական բուժում չունի, սակայն սննդակարգի փոփոխությունները և դեղամիջոցները կարող են զգալիորեն մեղմացնել հիվանդության կլինիկական դրսևորումները:

Հոդվածը վերանայվել է՝ 11-06-2021