Ժիլբերտի համախտանիշ. բարդություններ

Ժիլբերտի համախտանիշ. բարդություններ

Ժիլբերտի համախտանիշի պատճառ հանդիսացող բիլիռուբինը յուրացնող ֆերմենտի ցածր մակարդակը նաև կարող է բարձրացնել որոշ դեղամիջոցների կողմնակի ազդեցությունները:

Խոսքը վերաբերվում է այն դեղամիջոցներին, որոնց նյութափոխանակության մեջ այդ ֆերմենտներն ունեն որոշակի դեր և օգնում են դրանց արգասիքների օրգանիզմից հեռացմանը:

Այդպիսի դեղամիջոցներից են՝

  • Իրինոտեկան (Կամպտոսար), որը քաղցկեղի բուժման քիմիոթերապևտիկ դեղամիջոց է
  • ՄԻԱՎ-ի բուժման մեջ օգտագործվող որոշ պրոտեազային արգելակիչներ (ինհիբիտորներ):

Ուստի, եթե ունեք Ժիլբերտի համախտանիշ, զրուցեք բժշկի հետ մինչև որևէ նոր դեղամիջոց ընդունելը:

Նկատի ունեցեք, որ եթե ունեք արյան կարմիր բջիջների (էրիթրոցիտներ) քայքայումը արագացնող որևէ այլ հիվանդություն, կարող է բարձրանալ լեղային քարերի առաջացման ռիսկը:

Հոդվածը վերանայվել է՝ 30-11-2021