Պատճառներ - Գիյեն-Բարեի սինդրոմ

Գիյեն-Բարեի համախտանիշի ճշգրիտ պատճառը հայտնի չէ:

Խանգարումը սովորաբար ի հայտ է գալիս շնչառական կամ մարսողական խողովակի վարակից օրեր կամ շաբաթներ անց: Հազվադեպ, վերջերս տարած վիրահատությունը կամ պատվաստումը կարող են առաջացնել Գիյեն-Բարեի համախտանիշ: Հիվանդության դեպքեր նաև գրանցվել են Զիկա վիրուսով վարակվելուց հետո։

Գիյեն-Բարեի համախտանիշ կարող է զարգանալ COVID-19 վիրուսով վարակվելուց հետո։ Սա նաև հազվադեպ ռեակցիա է նրանց մոտ, ովքեր COVID-19-ի դեմ ստանում են Johnson & Johnson կամ AstraZeneca COVID-19 պատվաստանյութեր:

Գիլեն-Բարեի համախտանիշի դեպքում ձեր իմունային համակարգը, որը նորմայում հարձակվում է միայն օրգանիզմ թափանցած օտարածին օրգանիզմների վրա, սկսում է հարձակվել սեփական նյարդերի վրա: Սուր բորբոքային դեմիելիզացնող պոլիռադիկուլոպաթիայի (ՍԲԴՊ) դեպքում վնասվում է նյարդերի պաշտպանիչ ծածկույթը (միելինային թաղանթ), որը խանգարում է, որ որ նյարդերն ազդանշաններ փոխանցեն դեպի գլխուղեղ՝ առաջացնելով թուլություն, թմրածություն կամ կաթված (պարալիչ):

Ռիսկի գործոններ

Գիյեն-Բարեի համախտանիշը կարող է հանդիպել բոլոր տարիքային խմբերի վրա, սակայն ռիսկը մեծանում է տարիքի հետ: Այն նաև քիչ ավելի տարածված է տղամարդկանց, քան կանանց մոտ:

Գիյեն-Բարեի համախտանիշի առաջացմանը կարող են նպաստել հետևյալ հրահրիչ (տրիգերային) գործոնները՝

• առավել հաճախ՝ կամպիլոբակտերային վարակ՝ բակտերիայի տեսակ, որը հաճախ հայտնաբերվում է թերեփված թռչնամսի մեջ
• գրիպի վիրուս
• ցիտոմեգալովիրուս
• Էպշտեյն-Բարի վիրուս
• Զիկա վիրուս
• հեպատիտներ A, B, C և E
• ՄԻԱՎ՝ վիրուս, որն առաջացնում է ՁԻԱՀ
• միկոպլազմ պնևմոնիա
• վիրահատություն
• տրավմա
• Հոջկինյան լիմֆոմա
• Hodgkin's lymphoma
• հազվադեպ՝ գրիպի դեմ կամ մանկական պատվաստումներ
• COVID-19 վիրուս
• COVID-19 Johnson & Johnson and AstraZeneca պատվաստանյութեր: