Գրադարան

Գիյեն-Բարեի համախտանիշ. ախտորոշում

Գիյեն-Բարեի համախտանիշ. ախտորոշում

Time Read 1 րոպե

Գիյեն-Բարեի համախտանիշը վաղ փուլերում կարող է դժվար ախտորոշել:

Հիվանդության գանգատներն ու ախտանշանները կարող են նմանակել այլ նյարդաբանական խանգարումները և տարբերվել անձից անձից:

Ձեր բժիշկն, ամենայն հավանականությամբ, կսկսի հիվանդության պատմությունից (անամնեզ) և մանրակրկիտ ֆիզիկական քննությունից (բուժզննում):

Այնուհետև ձեր բժիշկը կարող է խորհուրդ տալ հետևյալ հետազոտություններից մեկնումեկը կամ մի քանիսը:

  • Ողնուղեղային հեղուկի հետազոտություն (գոտկային պունկցիա)․ այս դեպքում գոտկային շրջանի ողների միջև ներմուծված բարակ ասեղով քիչ քանակությամբ հեղուկ է դուրս բերվում, որը ենթարկվում է լաբորատոր թեստի` գտնելու Գիյեն-Բարեի համախտանիշին բնորոշ փոփոխություններ:
  • Էլեկտրոմիոգրաֆիա. իրենցից բարակ ասեղ ներկայացնող էլեկտրոդները տեղադրվում են այն մկանների մեջ, որոնք ձեր բժիշկը ցանկանում է հետազոտել: Էլեկտրոդները չափում են մկանների նյարդային ակտիվությունը:
  • Նյարդային հաղորդականության հետազոտություններ. այս դեպքում էլեկտրոդները փակցվում են ձեր մաշկին այնտեղ, որտեղից նյարդեր են անցնում: Նյարդային ազդանշանների արագությունը չափելու համար սարքը գեներացնում է թույլ էլեկտրական հոսանք:

Հոդվածը տեղադրվել է՝ 22-12-2023 վերանայվել է՝ 23-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով