Հենոխ-Շենլեյնի պուրպուրայի ժամանակ օրգանիզմի որոշ մանր արյունատար անոթներ բորբոքվում են, որը կարող է արյունահոսություն (արյունազեղում) առաջացնել մաշկի, որովայնի և երիկամների շրջանում:
Պարզ չէ, թե ինչու է այս սկզբնական բորբոքումը զարգանում: Դա կարող է լինել որոչ հրահրիչ գործոնների (տրիգերների) նկատմամբ իմունային համակարգի ոչ պատշաճ արձագանքման հետևանք (A դասի իմունոգլոբուլիններ):
Հենոխ-Շենլեյնի պուրպուրա ունեցող մարդկանց գրեթե կեսի մոտ այս հիվանդությունը դրսևորվել է վերին շնչուղիների վարակից, օրինակ՝ մրսածությունից հետո: Այլ նպաստող գործոններից են՝ ջրծաղիկ, ստրեպտոկոկային կոկորդ (ֆարինգիտ), կարմրուկ, հեպատիտ, որոշ դեղամիջոցներ, սնունդ, միջատների խայթոցներ և ցուրտ եղանակի ազդեցություն:
Ռիսկի գործոններ
Գործոնները, որոնք մեծացնում են Հենոխ-Շենլեյնի պուրպուրայի զարգացման ռիսկը, ներառում են հետևյալը:
- Տարիք. hիվանդությունը հիմնականում զարգանում է 10 տարեկանից փոքր երեխաների մոտ։
- Սեռ. Հենոխ-Շենլեյնի պուրպուրան մի փոքր ավելի տարածված է տղամարդկանց, քան կանանց մոտ:
- Ռասա. սպիտակամորթ և ասիացի երեխաների մոտ Հենոխ-Շոնլայնի պուրպուրայի զարգացման հավանականությունն ավելի մեծ է, քան սևամորթ երեխաների մոտ:
Հոդվածը հրապարակվել է՝ 22-07-2023
Վերջին վերանայում՝ 23-04-2024