Հենոխ-Շենլեյնի պուրպուրան (ծիրանացան). որը նաև հայտնի է որպես IgA վասկուլիտ, խանգարում է, որը հանգեցնում է ձեր մաշկի, հոդերի, բարակ աղու և երիկամների փոքր արյունատար անոթների բորբոքման և արյունահոսության:
Փոքր արյունատար անոթների բորբոքման՝ վասկուլիտի այս տարբերակի ամենաբնորոշ հատկանիշը մանուշակագույն ցանն է (պուրպուրա կամ ծիրանացան), որը սովորաբար հայտնվում է ոտքերի ստորին հատվածների և հետույքի վրա: Հենոխ-Շենլեյնի պուրպուրան նաև կարող է առաջացնել որովայնի ցավ և մշտական հոդացավեր: Հազվադեպ կարող է զարգանալ երիկամների լուրջ ախտահարում:
Հենոխ-Շենլեյնի պուրպուրա կարող է առաջանալ բոլորի մոտ, սակայն առավել տարածված է մինչև 10 տարեկան երեխաների շրջանում: Սովորաբար վիճակը ինքնուրույն բարելավվում է: Բժշկական օգնությունը հիմնականում անհրաժեշտ է, եթե խանգարումն ազդում է երիկամների վրա:
Հոդվածը հրապարակվել է՝ 22-07-2023
Վերջին վերանայում՝ 23-04-2024