Բուժում - Հենոխ-Շենլեյնի պուրպուրա

Հենոխ-Շենլեյնի պուրպուրան սովորաբար անցնում է ինքնուրույն մեկ ամսվա ընթացքում՝ առանց տևական հետևանքների:

Հանգիստը, շատ հեղուկները և սովորական ցավազրկողները կարող են օգնել ախտանիշների դեպքում:

Դեղորայքային բուժում

Կորտիկոստերոիդները, ինչպիսին է Պրեդնիզոնը, կարող են օգնել հոդերի և որովայնի ցավի ուժգնության և տևողության կրճատմանը: Այս խմբի դեղերը կարող են լուրջ կողմնակի ազդեցություններ թողնել, ուստի նախապես ձեր բժշկի հետ քննարկեք դրանց օգտագործման ռիսկերն ու օգուտները:

Վիրահատություն

Եթե աղիքի մի հատվածը ենթարկվել է ստրանգուլյացիայի կամ պատռվել է, կարող է անհրաժեշտ լինել շտապ վիրահատություն: