Գրադարան
Եղնջացան և անգիոայտուց. ինքնօգնություն
1 րոպե
Եթե ունեք թեթև եղնջացան կամ անգիոայտուց, այս խորհուրդները կարող են օգնել թեթևացնելու ձեր ախտանիշները:
- Խուսափեք հրահրող գործոններից (տրիգերներից). դրանք կարող են ներառել սննդամթերք, դեղամիջոցներ, ծաղկափոշի, ընտանի կենդանիների թեփ, լատեքս և միջատների խայթոցներ: Եթե կարծում եք, որ ձեր եղնջացանն առաջացրել է դեղորայքը, դադարեցրեք այն օգտագործել և դիմեք ձեր բժշկին: Որոշ ուսումնասիրություններ ցույց են տալիս, որ սթրեսը կամ հոգնածությունը կարող են եղնջացան առաջացնել:
- Օգտագործեք քորի դեմ սովորական դեղամիջոց. սովորական բերանային (օրալ) հակահիստամինները, ինչպիսիք են Լորատադինը (Ալավերտ, Կլարիտին և այլն), Ցետիրիզինը (Զիրտեկ Ալերգիա և այլն) կամ Դիֆենհիդրամինը (Բենադրիլ Ալերգիա և այլն), կարող են օգնել թեթևացնել քորը: Մտածեք, թե արդյոք դուք կարող եք նախընտրել այնպիսի տեսակ, որը քնկոտություն չի առաջացնում: Հարցրեք ձեր բժշկին տարբերակների մասին:
- Տեղային սառը միջոցներ. տուժած տարածքը սառը անձեռոցիկով ծածկելը կամ դրա վրա մի քանի րոպե սառույցի խորանարդ քսելը կարող է օգնել քորի մեղմացմանը և կանխել քերծվածքները:
- Հարմարավետ սառը լոգանք ընդունեք. ազատվեք քորից սառը ցնցուղով կամ լոգանքով: Որոշ մարդիկ կարող են նաև օգուտ քաղել սառը ջրով, որը ցողված է սոդայի կամ վարսակի ալյուրի փոշիով (Ավեենո և այլն), բայց սա լուծում չէ քրոնիկ քորի երկարատև վերահսկման համար:
- Հագեք ազատ, հարթ գործվածքով բամբակյա հագուստ. խուսափեք կոպիտ, ամուր, քերծող կամ բրդից պատրաստված հագուստ կրելուց:
- Պաշտպանեք ձեր մաշկն արևից. առատորեն արևապաշտպան միջոց քսեք դուրս գալուց մոտ կես ժամ առաջ: Երբ դրսում եք, ստվեր փնտրեք, որը կօգնի ազատվել անհարմարությունից:
Հոդվածը տեղադրվել է՝ 20-05-2023 վերանայվել է՝ 20-05-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
