Պատճառներ - Կելոիդ սպի

Մասնագետները լիարժեք չեն հասկանում, թե ինչն է առաջացնում կելոիդ սպիներ:

Սակայն, բազմաթիվ մասնագետներ համաձայն են, որ կելոիդն, ամենայն հավանականությամբ, վերքերի լավացման գործընթացի խանգարման (դիսֆունկցիայի) հետևանք է: Կոլագենը` ողջ օրգանիզմում հայտնաբերվող սպիտակուցը, օգտակար է վերքերի ապաքինման համար, սակայն, երբ օրգանիզմն արտադրում է չափազանց կոլագեն, կարող են գոյանալ կելոիդներ:

Կելոիդային աճ կարող է զարգանալ մաշկի ցանկացած վնասվածքից՝ միջատի խայթոց, պզուկ (ակնե), ներարկում, պիրսինգ, այրվածքներ, մազահեռացում և նույնիսկ աննշան քերծվածքներ և հարվածներ: Երբեմն կելոիդները ձևավորվում են առանց որևէ ակնհայտ պատճառի:

Կելոիդները վարակիչ կամ չարորակ (քաղցկեղածին) չեն:

Կելոիդը տարբերվում է գերաճային մաշկից (հիպերտրոֆիկ սպի): Հիպերտրոֆիկ սպին մնում է սկզբնական վերքի սահմաններում և կարող է ժամանակի ընթացքում առանց բուժման անհետանալ:

Ռիսկի գործոններ

Կելոիդների առաջացման ռիսկի գործոնները ներառում են հետևյալը:

• Շագանակագույն կամ սև մաշկ ունենալը. կելոիդներն առավել տարածված են շագանակագույն կամ սև մաշկ ունեցող մարդկանց շրջանում: Այս նախատրամադրվածության պատճառն անհայտ է։
• Կելոիդների վերաբերյալ անձնական կամ ընտանեկան պատմություն (անամնեզ) ունենալը. կելոիդներ կարող են դիտարկվել ընտանիքներում, որը կարող է վկայել այն մասին, որ կելոիդների միտումը կարող է ժառանգական լինել: Եթե ​​ունեցել եք մեկ կելոիդ, նոր կելոիդների զարգացման ռիսկը ձեզ մոտ ավելի բարձր է:
• Մինչև 30 տարեկան լինելը. դուք ավելի հավանական է, որ կելոիդ ունենաք, եթե 20-ից 30 տարեկան եք: