Ինքնօգնություն - Կելոիդ սպի

Փորձեք կելոիդի ինքնօգնության հետևյալ խորհուրդները:

• Բուժեք և խնամեք ձեր վերքն այնպես, ինչպես հրահանգել է բժիշկը. վերքերի բուժումն ու խնամքը կարող է ժամանակատար լինել, իսկ ճնշող (կոմպրեսիոն) վիրակապը կարող է լրացուցիչ անհարմարություն ստեղծել: Փորձեք հնարավորինս հետևել ձեր բժշկի առաջարկած ռեժիմին, քանի որ այս քայլերը կարևոր են կելոիդների կանխարգելման համար:
• Կիրառեք կորտիկոստերոիդային նրբաքսուք (կրեմ). սա կարող է օգնել քորի մեղմացմանը:
• Կիրառեք սիլիկոնային գել. սիլիկոնե գելի կիրառումը նույնպես կարող է թեթևացնել քորը:
• Պաշտպանեք մաշկը կրկին վնասվելուց. խուսափեք հագուստով կամ այլ տեսակի շփմամբ կելոիդը գրգռելուց կամ վնասելուց:
• Պաշտպանեք ձեր մաշկը արևից. արևի ճառագայթների ազդեցությունը կարող է փոխել կելոիդի գույնը՝ այն դարձնելով ավելի նկատելի: Այս փոփոխությունը կարող է մշտական ​​լինել: Դուրս գալուց առաջ պաշտպանեք ձեր մաշկը՝ ծածկելով կելոիդը կամ առատորեն կիրառելով արևապաշտպան քսուք:

Այլընտրանքային բժշկություն

Կելոիդային սպիները բնական ճանապարհով հեռացնելու ապացուցված մեթոդներ չկան: Որոշ կլինիկական հետազոտություններ ցույց են տվել, որ բերանային (օրալ) կամ տեղային (մաշկի վրա կիրառվող) սոխի արտամզվածքը կարող է արդյունավետ լինել կելոիդային սպիների տեսքը բարելավելու և քորն ու անհանգստությունը մեղմացնելու համար: