Պատճառներ - Պիելոնեֆրիտ

Բակտերիաները, որոնք միզուկով ներթափանցում են միզուղիներ, կարող են բազմանալ և հասնել ձեր երիկամներ:

Սա երիկամների վարակի ամենատարածված պատճառն է:

Օրգանիզմի մեկ այլ շրջանը վարակված բակտերիաները նույնպես կարող են արյան միջոցով տարածվել դեպի երիկամներ: Հազվադեպ, արհեստական հոդը կամ սրտի փականը, որը վարակվում է, կարող է երիկամների վարակի պատճառ դառնալ:

Երբեմն երիկամի վարակում առաջանում է երիկամի վիրահատությունից հետո։

Ռիսկի գործոններ

Երիկամների վարակի ռիսկը մեծացնող գործոնները ներառում են հետևյալը:

• Իգական սեռ. կանանց մոտ միզուկն ավելի կարճ է, քան տղամարդկանց մոտ: Դա հեշտացնում է բակտերիաների ներթափանցումը դեպի միզապարկ: Կանանց միզուկի արտաքին բացվածքի հեշտոցին և հետանցքին մոտ լինելը նույնպես հեշտացնում է բակտերիաների մուտքը միզապարկ: Միզապարկ թափանցելուց հետո վարակը կարող է տարածվել վերև՝ հասնելով երիկամներ: Հղի կանանց մոտ երիկամների վարակի ռիսկն էլ ավելի է մեծանում:
• Միզուղիների խցանման առկայություն. այն ամենը, ինչը դանդաղեցնում է մեզի արտահոսքը կամ դժվարացնում է միզապարկի լրիվ դատարկումը, կարող է մեծացնել երիկամների վարակի ռիսկը: Սա ներառում է երիկամների քարը, նեղացած միզուկը կամ տղամարդկանց մոտ մեծացած շագանակագեղձը:
• Թուլացած իմունային համակարգ. առողջական վիճակները, ինչպիսիք են շաքարային դիաբետը և ՄԻԱՎ-ը, կարող են թուլացնել իմունային համակարգը: Որոշ դեղամիջոցներ նույնպես կարող են թուլացնել օրգանիզմի դիմադրողականությունը (իմունիտետը)։ Դրանք ներառում են օրգանների փոխպատվաստումից հետո ընդունված դեղամիջոցներ, որոնք օգնում են կանխել փոխպատվաստված օրգանի պոկումը:
• Միզապարկին հարակից նյարդերի վնասում. նյարդային կամ ողնուղեղային վնասումը կարող է քողարկել միզապարկի վարակի գանգատներնը: Դա կարող է դժվարացնել հասկանալը, թե երբ վարակը է հասնում երիկամին:
• Միզային կաթետերի օգտագործում. միզային կաթետերները խողովակներ են, որոնք օգտագործվում են միզապարկից մեզի արտահոսքն ապահովելու համար: Կաթետեր երբեմն օգտագործում են վիրահատական միջամտությունից կամ ախտորոշիչ հետազոտությունից հետո: Դրանք նաև օգտագործվում են ծանր անկողնային հիվանդների մոտ, ովքեր ի վիճակի չեն ինքնուրույն օգտվել զուգարանից:
• Որևէ հիվանդությունը, որը հանգեցնում է մեզի սխալ ուղով հոսքի. վեզիկոուրեթրալ ռեֆլյուքսի դեպքում միզապարկից փոքր քանակությամբ մեզ է ետ հոսում դեպի միզապարկը և երիկամները միմյանց միացնող խողովակներ, որոնք կոչվում են միզածորաններ: Այս վիճակն ունեցող մարդիկ ենթարկվում են երիկամային վարակի ավելի բարձր ռիսկի ինչպես մանկական, այնպես էլ չափահաս տարիքում: