Նկարագիր - Պիելոնեֆրիտ

Պիելոնեֆրիտը կամ երիկամների վարակը միզուղիների վարակի (ՄՈւՎ) տեսակ է:

Երիկամների վարակը կարող է սկսվել այն խողովակից, որը մեզը հեռացնում է օրգանիզմից կամ միզապարկից (միզուկ): Վարակը կարող է տարածվել մեկ կամ երկու երիկամների վրա: Երիկամների վարակը նաև կոչվում է պիելոնեֆրիտ:

Երիկամային վարակը պահանջում է անհապաղ բուժում: Պատշաճ չբուժվելիս վարակը կարող է երկարաժամկետ վնաս պատճառել երիկամներին: Կամ բակտերիաները կարող են տարածվել արյան մեջ և հարուցել վտանգավոր տարածուն վարակ (սեպսիս):

Երիկամների վարակի բուժումը հաճախ ներառում է հակաբիոտիկներ, որոնք կարող են տրվել հիվանդանոցում:

Պիելոնեֆրիտի տեսակները

Պիելոնեֆրիտը կարող է լինել սուր կամ քրոնիկ:

• Սուր պիելոնեֆրիտը զարգանում է արագ և բուժմանը զուգընթաց մեղմանում և վերանում է:
• Քրոնիկ պիելոնեֆրիտը կարող է զարգանալ դանդաղորեն, երբեմն՝ աննկատ, իսկ ախտանիշները, բուժումից անկախ, կարող են շարունակվել ողջ կյանքի ընթացքում: Պատճառն այն է, որ քրոնիկ պիելոնեֆրիտը բերում է երիկամների անդառնալի փոփոխությունների: Քրոնիկ պիելոնեֆրիտը հաճախ զարգանում է, երբ ինչ-ինչ պատճառներով մեզը միզուղիներով բարձրանալով՝ միզապարկից հասնում է երիկամներ՝ իր հետ դեպի երիկամներ տարածելով նաև ստորին միզուղիներում առկա վարակը: Քրոնիկ պիելոնեֆրիտը տարիների ընթացքում կարող է ավարտվել երիկամային անբավարարությամբ: