Ախտանիշներ - Պիելոնեֆրիտ

Սուր պիելոնեֆրիտը սովորաբար զարգանում արագորեն՝ մեկ օրվա, նույնիսկ մի քանի ժամվա ընթացքում։

Երիկամային վարակի ախտանիշներից են՝

• ջերմություն
• դող և սարսուռ
• միզելիս այրոցի զգացում կամ ցավ
• հաճախակի միզելու անհրաժեշտություն
• միզելու ուժեղ, տևական ցանկություն
• մեջքի (գոտկային), կողքի կամ աճուկի ցավ
• սրտխառնոց և փսխում, որը հաճախ ուղեկցում է ուժեղ ցավին
• մեզի մեջ թարախ (պիուրիա) կամ արյուն (հեմատուրիա)
• խիստ տհաճ հոտով կամ պղտոր մեզ
• որովայնային ցավ:

Ե՞րբ դիմել բժշկին

Պայմանավորվեք ձեր բժշկի մոտ արտահերթ այցի համար, եթե ունեք երիկամների վարակի ախտանիշներ: Նաև դիմեք ձեր բժշկին, եթե բուժում եք ստանում միզուղիների վարակի դեմ, սակայն ձեր ախտանիշները չեն մեղմանում:

Ծանր երիկամային վարակը կարող է հանգեցնել վտանգավոր բարդությունների՝ արյան վարակ (սեպսիս) կամ արյան թունավորում, օրգանիզմի հյուսվածքների վնասում կամ մահ: Անմիջապես դիմեք բժշկական օգնության, եթե ունեք երիկամների վարակի ախտանիշներ և արյունոտ մեզ կամ սրտխառնոց և փսխում: