Ախտորոշում - Կիֆոզ

Ձեր բժիշկը սովորաբար մանրակրկիտ ֆիզիկական քննություն (բուժզննում) կանցկացնի՝ ներառյալ ձեր հասակը ստուգելը:

Ձեզ կարող են խնդրել գոտկատեղից առաջ թեքվել, մինչ բժիշկը կողքից դիտում է ձեր ողնաշարը: Կարող եք նաև նյարդաբանական հետազոտություն անցնել՝ ստուգելու ձեր ռեֆլեքսները և մկանային ուժը:

Բժիշկը նաև կարող է նշանակել որոշ գործիքային հետազոտություններ:

• Ռենտգեն կամ համակարգչային տոմոգրաֆիա (ԿՏ). ռենտգենը կարող է որոշել կորության աստիճանը և հայտնաբերել ողերի ձևափոխումները (դեֆորմացիաները): ԿՏ սքանավորումը կարող է առաջարկվել, եթե ձեր բժիշկը ցանկանում է տեսնել ավելի մանրամասն պատկերներ:
• Մագնիսա-ռեզոնանսային տոմոգրաֆիա (ՄՌՏ). օգտագործելով ռադիոալիքներ և ուժեղ մագնիսական դաշտ, ՄՌՏ-ները կարող են հայտնաբերել ձեր ողնաշարի վարակը կամ ուռուցքը:
• Նյարդի հետազոտություններ. եթե դուք զգում եք թմրածություն կամ մկանային թուլություն, ձեզ կարող են անհրաժեշտ լինել թեստեր՝ որոշելու, թե որքան լավ են նյարդային ազդակները փոխանցվում ձեր ողնուղեղի և ձեր վերջույթների միջև:
• Ոսկրի խտության թեստեր (դենսիտոմետրիա). ցածր խտության ոսկորը կարող է վատթարացնել կիֆոզը և հաճախ այն կարող է բարելավվել դեղամիջոցներով: