Կիֆոզ. ախտորոշում

Կիֆոզ. ախտորոշում

Բժիշկն անցկացնում է արտաքին (ֆիզիկական) զննում, այդ թվում՝ չափում ձեր հասակը: Նա կարող է խնդրել ձեզ իրանն առաջ կռացնել և կողքից զննել ձեր ողնաշարը:

Ծանոթացեք նաև այս հոդվածի հետ ուղղակիորեն կապված այլ նյութերի հետ:

Բժիշկը կարող է նաև անցկացնել նյարդաբանական զննում՝ ռեֆլեքսների և մկանային ուժի ստուգում:

Ձեր գանգատներն ու ախտանիշները գնահատելուց հետո բժիշկը կարող է խորհուրդ տալ որոշ գործիքային հետազոտություններ:

  • Ռենտգենոգրաֆիա կամ համակարգչային տոմոգրաֆիա (ԿՏ). ռենտգենոգրաֆիան կարող է որոշել ողնաշարի ախտաբանական ծռման (կորության) աստիճանը և հայտնաբերել ողների ձևափոխումներ: ԿՏ հետազոտություն կարող է առաջարկվել, եթե բժիշկը ցանկանում է տեսնել ողների ավելի մանրակրկիտ պատկերները:
  • Մագնիսա-ռեզոնանսային տոմոգրաֆիա (ՄՌՏ). ՄՌՏ հետազոտությունը թույլ է տալիս հայտնաբերել ողնաշարարային վարակներ կամ ուռուցքներ:
  • Նյարդի հետազոտություններ. եթե ունեք թմրածություն կամ մկանային թուլություն, բժիշկը կարող է առաջարկել ողնուղեղի և վերջույթների միջև նյարդային հաղորդականության ստուգման թեստեր:
  • Ոսկրի խտության թեստեր (դենսիտոմետրիա). ցածր խտության ոսկրերը կարող են վատթարացնել կիֆոզը:

Հոդվածը վերանայվել է՝ 30-03-2021