Կիֆոզ. բուժում

2 րոպե

Կիֆոզի բուժումը կախված է պատճառից և ծանրության աստիճանից:

Դեղորայքային բուժում

Կիֆոզի բուժումը կարող է ներառել հետևյալը:

• Ցավազրկողներ. եթե սովորական դեղամիջոցները, ինչպիսիք են Ացետամինոֆենը (Պարացետամոլ, Թայլենոլ և այլն), Իբուպրոֆենը (Ադվիլ, Մոտրին IB և այլն) կամ Նապրոքսեն նատրիումը (Ալեվե), բավարար չեն, ավելի ուժեղ ցավազրկող դեղերը հասանելի են դեղատոմսով:
• Օստեոպորոզի դեղամիջոցներ. ոսկորներն ամրացնող դեղամիջոցները կարող են օգնել կանխելու ողնաշարի լրացուցիչ կոտրվածքները, որոնք կվատթարացնեն ձեր կիֆոզը:

Թերապիա

Կիֆոզի որոշ տեսակների դեպքում կարող են օգնել հետևյալ ոչ դեղորայքային բուժումները:

• Վարժանքներ. ձգվող և ամրապնդող վարժանքները կարող են օգնել բարելավելու ողնաշարի ճկունությունը և թեթևացնել մեջքի ցավը:
• Օրթոպետիկ կորսետներ. Շոյերմանի հիվանդությամբ երեխաներին մինչև ոսկրային աճի ավարտվելը կարող է առաջարկվել հատուկ (CAD/CAM) կորսետների կրում, որը կարող է օգնել կիֆոզի զարգացման դանդաղեցմանը կամ արգելակմանը:
• Ֆիզիոթերապիա. որոշ դեպքերում կարող է առաջարկվել Շրոթի մեթոդ՝ ֆիզիոթերապիա սկոլիոզի և դրա հետ կապված ողնաշարային ծռումների համար։ Այս մեթոդը տարաված է հատկապես Գերմանիայում:

Վիրահատական և այլ միջամտություններ

Հազվադեպ, ծանր կիֆոզը կարող է սեղմել ողնուղեղը կամ նյարդարմատները: Դա շտկելու համար կարող է անհրաժեշտ լինել վիրահատություն: Ամենատարածված միջամտությունը սպոնդիլոդեզն է, երբ վիրաբույժն օգտագործում է մետաղյա ձողեր և պտուտակներ՝ ողնաշարի ոսկորները ճիշտ դիրքում ամրացնելու համար

Կոմպրեսիոն (սեղմված) կոտրվածքները սովորաբար բուժվում են առանց վիրահատության: