Գրադարան

Լյարդի քաղցկեղ. պատճառներ

Լյարդի քաղցկեղ. պատճառներ

Time Read 2 րոպե

Լյարդի քաղցկեղն առաջանում է, երբ լյարդի բջիջների ԴՆԹ-ում զարգացում են փոփոխություններ (մուտացիաներ):

Բջջի ԴՆԹ-ն այն նյութն է, որը հրահանգներ է տալիս ձեր օրգանիզմում ընթացող յուրաքանչյուր քիմիական գործընթացի համար: ԴՆԹ-ի մուտացիաները փոփոխություններ են առաջացնում այս հրահանգներում: Արդյունքներից մեկն այն է, որ բջիջները կարող են սկսել անվերահսկելի կերպով բազմանալ և ի վերջո ձևավորել ուռուցք՝ քաղցկեղային բջիջների զանգված։

Երբեմն հայտնի է լյարդի քաղցկեղի պատճառը, ինչպիսին են քրոնիկ հեպատիտային վարակները: Սակայն, երբեմն լյարդի քաղցկեղ զարգանում է որևէ պատճառային հիվանդություն չունեցող մարդկանց մոտ, և պարզ չէ, թե ինչն է այն առաջացնում:

Ռիսկի գործոններ

Լյարդի առաջնային քաղցկեղի ռիսկը մեծացնող գործոնները ներառում են հետևյալը:

  • Քրոնիկ HBV կամ HCV վարակ. hեպատիտ B վիրուսով (HBV) կամ հեպատիտ C վիրուսով (HCV) քրոնիկ վարակը մեծացնում է լյարդի քաղցկեղի ռիսկը:
  • Ցիռոզ. այս հարաճուն զարգացող և անդառնալի վիճակն առաջացնում է սպիական հյուսվածքի ձևավորում ձեր լյարդում և մեծացնում լյարդի քաղցկեղի զարգացման հավանականությունը:
  • Լյարդի որոշ ժառանգական հիվանդություններ. լյարդի հիվանդությունները, որոնք կարող են մեծացնել լյարդի քաղցկեղի ռիսկը, ներառում են հեմոքրոմատոզը և Վիլսոնի հիվանդությունը:
  • Շաքարային դիաբետ. արյան շաքարի այս խանգարումն ունեցող մարդիկ լյարդի քաղցկեղի ավելի մեծ ռիսկ ունեն, քան նրանք, ովքեր չունեն շաքարախտ:
  • Լյարդի ոչ ալկոհոլային ճարպային հիվանդություն. լյարդում ճարպի կուտակումը մեծացնում է լյարդի քաղցկեղի առաջացման վտանգը։
  • Աֆլատոքսինների ազդեցություն. աֆլատոքսինները թույներ են, որոնք արտադրվում են բորբոսասնկերի կողմից, որոնք աճում են վատ պահվող մշակաբույսերի վրա: Մշակաբույսերը, ինչպիսիք են հացահատիկն ու ընկույզը, կարող են աղտոտվել աֆլատոքսիններով, որոնք կարող են հայտնվել դրանցից պատրաստված մթերքներում:
  • Ալկոհոլի չափից ավելի օգտագործում. երկար տարիների ընթացքում օրական ավելի քան չափավոր քանակությամբ ալկոհոլ օգտագործելը կարող է հանգեցնել լյարդի անդառնալի վնասման և մեծացնել լյարդի քաղցկեղի ռիսկը:

Հոդվածը տեղադրվել է՝ 06-05-2018 վերանայվել է՝ 08-05-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով