Պատճառներ - Լյարդային հիվանդություն

Լյարդային հիվանդությունն ունի բազմաթիվ պատճառներ։

Վարակ

Մակաբույծները և վիրուսները կարող են վարակել լյարդը՝ առաջացնելով լյարդի գործունեությունը թուլացնող բորբոքում: Լյարդի ախտահարում առաջացնող վիրուսները կարող են տարածվել արյան կամ սերմնահեղուկի, ախտոտված սննդի կամ ջրի, ինչպես նաև վարակված անձի հետ սերտ շփման միջոցով: Լյարդի վարակների ամենատարածված տեսակներից են՝

• հեպատիտ A
• հեպատիտ B
• հեպատիտ C

Իմունային համակարգի խանգարումներ

Որոշ հիվանդությունների դեպքում իմունային համակարգը գրոհում է օրգանիզմի սեփական բջիջները։ Դրանք կոչվում են աուտոիմուն խանգարումներ և կարող են ախտահարել լյարդը: Նմանատիպ վիճակներից են՝

• աուտոիմուն հեպատիտ
• առաջնային բիլիար խոլանգիտ
• առաջնային սկլերոտիկ խոլանգիտ:

Գենետիկա

Մեկ կամ երկու ծնողներից ժառանգված ոչ նորմալ գենը կարող է առաջացնել լյարդում տարբեր նյութերի կուտակում, որի արդյունքում՝ լյարդի ախտահարում։ Լյարդի գենետիկ հիվանդություններից են՝

• հեմոքրոմատոզ
• Վիլսոնի հիվանդություն
• ալֆա-1 անտիտրիպսինի դեֆիցիտ:

Քաղցկեղ և այլ ուռուցքներ

Օրինակներից են՝

• լյարդի քաղցկեղ
• լեղածորանի քաղցկեղ
• լյարդի ադենոմա:

Այլ

Լյարդային հիվանդության այլ տարածված պատճառներից են՝

• ալկոհոլի քրոնիկ չարաշահում
• լյարդում ճարպի կուտակում (լյարդի ոչ ալկոհոլային ճարպային հիվանդություն)
• որոշ դեղամիջոցներ (այդ թվում՝ դեղատոմս չպահանջող)
• որոշ բուսական միացություններ:

Ռիսկի գործոններ

Լյարդային հիվանդության զարգացման ռիսկը բարձրացնող գործոններից են՝

• ալկոհոլի չարաշահում
• գիրություն
• 2-րդ տիպի դիաբետ
• տատուներ կամ պիրսինգ
• ներարկային թմրամիջոցների նույն ասեղով օգտագործում
• մինչև 1992թ․ արյան փոխներարկում
• այլ մարդկանց արյան և այլ կենսահեղուկների ազդեցություն
• չպաշտպանված սեռական հարաբերություն
• որոշ քիմիական նյութերի կամ թույների ազդեցություն
• լյարդային հիվանդության ընտանեկան պատմություն։