Լյարդի հիվանդություններ. ինքնօգնություն

Լյարդի հիվանդություններ. ինքնօգնություն

Ապրելակերպային որոշ սովորույթների փոփոխությունը հաճախ նպաստում է լյարդի առողջական վիճակի բարելավմանը:

Եթե ախտորոշել են լյարդային հիվանդություն, բժիշկը կարող է խորհուրդ տալ, որ՝

  • եթե չեք դադարեցնում ալկոհոլի օգտագործումը, ընդունեք այն հազվադեպ և քիչ քանակներով
  • խուսափեք կարմիր մսից, տրանս-ճարպերից, վերամշակված ածխաջրատներով ու ֆրուկտոզով հարուստ սիրոպներից ու մթերքներից
  • շաբաթական 3-4 անգամ զբաղվեք 30-60 րոպեանոց չափավոր ինտենսիվության ֆիզիկական վարժանքներով
  • եթե ունեք ավելցուկային քաշ, օրական 500-1000 կալորիայով կրճատեք սննդով ստացվող էներգիան:

Այլընտրանքային միջոցներ

Լյարդային հիվանդության բուժման մեջ որևէ այլընտրանքային միջոցի արդյունավետությունը չի ապացուցվել: Սակայն մի քանի հետազոտությամբ ներկայացվել են նման միջոցների որոշ հնարավոր օգուտներ, որոնք, այնուամենայնիվ, պահանջում են լրացուցիչ ապացուցողական տվյալներ:

Մյուս կողմից, որոշ սննդակարգեր և բուսական հավելումներ իրենք կարող են վնաս պատճառել լյարդին։ Ավելի քան 1000 դեղամիջոցներ և բուսական արտադրանքներ կապված են լյարդի վնասման հետ, այդ թվում՝

  • վիտամին A
  • մա-հուան
  • լերդախոտ (գետնակաղին)
  • կատվախոտ
  • մզամուրճ (омела)
  • չապարալ
  • քարխոտ (окопник)
  • կավա և այլն:

Լյարդը պաշտպանելու համար կարևոր է, որ որևէ հավելյալ կամ այլընտրանքային դեղամիջոց ընդունելուց առաջ բժշկից տեղեկանաք տվյալ միջոցի հնարավոր ռիսկերի մասին:

Հոդվածը վերանայվել է՝ 11-10-2021