Պատշաճ կերպով դուրս չբերված և կրծքագեղձում պահպանված կաթը մաստիտի հիմնական պատճառն է:
Այլ պատճառները ներառում են հետևյալը:
- Խցանված կաթնածորան. եթե կերակրման ժամանակ կուրծքն ամբողջությամբ չի դատարկվում, ձեր կաթնային ծորաններից մեկը կարող է խցանվել: Արգելափակումը հանգեցնում է նրան, որ կաթը կուտակվում է, ինչը հանգեցնում է կրծքագեղձի վարակի:
- Կրծքագեղձ ներթափանցած բակտերիաներ. ձեր մաշկի մակերևույթից և երեխայի բերանից բակտերիաները կարող են ներթափանցել կաթնային ծորաններ՝ ձեր պտուկի մաշկի ճաքի կամ կաթնածորանի բացվածքի միջոցով: Չդատարկվող կրծքի մեջ լճացած կաթը նպաստավոր պայմաններ է ստեղծում բակտերիաների աճի համար:
Մաստիտն առավել հաճախ հարուցվում է ստրեպտոկոկերով և ստաֆիլոկոկերով։ Այնուամենայնիվ, վերջին հետազոտությունները վկայում են, որ վարակման հարցում ավելի մեծ դեր ունեն պայմանական ախտածին, քան թե ախտածին բակտերիաները։
Ռիսկի գործոններ
Մաստիտի ռիսկի գործոնները ներառում են՝
- կրծքով կերակրման ժամանակ մաստիտի նախորդ բռնկում
- ցավոտ կամ ճաքած պտուկներ, թեև մաստիտը կարող է զարգանալ առանց մաշկային խախտումների
- կիպ կրծկալ կամ վերնազգեստ հագնելիս, ամրագոտին կապելիս կամ ծանր պայուսակ կրելիս կրծքի վրա ճնշում գործադրելը, որը կարող է խանգարել կաթի հոսքը
- սխալ կերակրման տեխնիկա
- չափից շատ հոգնածություն կամ սթրես
- վատ սնուցում
- ծխելը:
Հոդվածը հրապարակվել է՝ 29-04-2023
Վերջին վերանայում՝ 07-04-2024