Գրադարան
ՄԿՈՍ վարակ. ախտանիշներ
1 րոպե
Ստաֆիլոկոկային մաշկային վարակները, ներառյալ մեթիցիլին-կայուն ոսկեգույն ստաֆիլոկոկային (ՄԿՈՍ, անգլերեն՝ MRSA) վարակը, սովորաբար սկսվում են որպես այտուցված, ցավոտ կարմիր հանգույցներ, որոնք կարող են նմանվել բշտիկների կամ սարդի խայթոցների:
Տուժած տարածքը կարող է լինել՝
- շոշափելիս՝ տաք
- առատ թարախային կամ այլ արտադրությամբ
- բարձր ջերմությամբ ուղեկցվող:
Այս կարմիր հանգույցները կարող են արագ վերածվել խորը, ցավոտ թարախաբշտերի (թարախակույտեր կամ աբսցեսներ), որոնք պահանջում են վիրաբուժական դատարկում (դրենավորում): Երբեմն բակտերիաները սահմանափակվում են մաշկով, սակայն նաև կարող են թափանցել օրգանիզմի ավելի խորը հյուսվածքներ՝ առաջացնելով ոսկորների, հոդերի, վիրահատական վերքերի, արյան հոսքի, սրտի փականների և թոքերի կյանքին սպառնացող վարակներ:
Ե՞րբ դիմել բժշկին
Ուշադրություն դարձրեք մաշկային փոքր խնդիրներին՝ բշտիկներ, միջատների խայթոցներ, կտրվածքներ և քերծվածքներ, հատկապես երեխաների մոտ: Եթե վերքերը վարակված են կամ ուղեկցվում են ջերմությամբ, դիմեք ձեր բժշկին:
Հոդվածը տեղադրվել է՝ 23-08-2023 վերանայվել է՝ 24-08-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
